Túrkistanda dárilik shóp qazyp júrgen 23 ózbek azamaty ustaldy
TÚRKІSTAN. QazAqparat - Arys aýdanynyń tártip saqshylary dalaly jerde ósetin, emdik qasıeti óte joǵary dárilik keýrek (ferýla) shóbiniń sólin qazyp, zańsyz jumys istep júrgen 23 ózbekstandyq azamatty anyqtady, dep habarlaıdy QazAqparat.
Túrkistan oblystyq polıtsııa departamentiniń málimetinshe, olar dalaly alqapqa shatyr tigip, keýrek qazyp júrgen.
«23 azamat ÁQBtK-niń 517-babynyń 5-bóligimen (Sheteldiktiń nemese azamattyǵy joq adamnyń halyqtyń kóshi-qon salasyndaǵy zańnamasyn buzýy) boıynsha jaýapqa tartylyp, el aýmaǵynan alastatyldy. Al jumys berýshi Qazaqstan azamatyna 519-bap (Sheteldik jumys kúshin jáne eńbekshi kóship kelýshilerdi el zańnamasyn buza otyryp tartý) boıynsha hattama toltyrylyp, aıyppul salyndy», - dep jazdy vedomstvodan.
