Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistanda asa iri kólemde alaıaqtyq jasaǵan er adam 7 jylǵa sottaldy

2022 jyldyń 24 mamyr 2022 09:53

TÚRKІSTAN. QazAqparat - Túrkistan oblysynda balalar úıindegi jasóspirimdi týysynyń atyna jazdyryp beremin dep alaıaqtyq jasap, sottalǵan er adamnyń taǵy bir qylmysy áshkere boldy, ol 7 jylǵa sottaldy, dep habarlaıdy QazAqparat.

Túrkistan oblysynyń polıtsııa departamenti habarlaǵandaı, Saıram aýdandyq polıtsııa bóliminiń tergeýshisi Jarqynbaı Darhan jábirlenýshilerge iri kólemde shyǵyn keltirip, alaıaqtyq jasaǵan kúdikti jas jigittiń kinási dáleldep, isti sotqa ótkizgen.

«Byltyr naýryzda Saıram APB-ǵa jergilikti turǵyn aryzdanǵan. Jábirlenýshi áıeldiń aıtýynsha, ol 2020 jyly 21 qazanda Aqsýkent-Qaramurt baǵytynda taksıge otyrǵan. Osy kezde júrgizýshi onyń Ózbekstan Respýblıkasyndaǵy balalar úıinde tárbıelenip júrgen nemeresin zańdy túrde QR-ǵa alyp kele alatynyn aıtyp sendirgen. Osylaısha taksı júrgizýshisine sengen áıel qaıtys bolǵan qyzynyń 2007 jylǵy ulyn ózine alý úshin 600 myń teńgeden astam aqsha bergen. Alaıda arada birneshe aı ótse de, saıramdyq turǵyn nemeresimen qaýyshpaǵan. Alaıaqqa aldanǵanyn bilgen áıel birden polıtseılerge aryzdanǵan. Atalǵan jaıt QK-tiń 190-baby (Alaıaqtyq) boıynsha tirkeldi», - dep jazdy vedomstvodan.

Arada 1 aptaǵa jýyq ýaqyt ótkende polıtsııaǵa taǵy bir aryzdanyp, alaıaqqa aldanǵanyn jetkizgen. Bul joly jábirlenýshige er adam jol-kólik apatynan qaıtys bolǵan qyzy men kúıeý balasynyń artynda qalǵan eki nemeresin óz tegine ótkizip beremin dep ýáde bergen. Oǵan jańa tanysqan alaıaq Nur-Sultan qalasynda isin bitirip bere alatyn adamdary bar ekenin aıtyp, sendirgen. Osy qyzmeti úshin jábirlenýshiden tórt mln teńge alǵan.

«Asa iri mólsherdegi alaıaqtyq qylmysyn ashýda jedel-tergeý toby qajetti is-sharalardy júzege asyryp, alaıaqtyq jasaǵan er adamnyń jeke basyn anyqtady. Tekserý kezinde kúdikti Tólebı aýdandyq sotymen bes jyl merzimge bas bostandyǵynan aıyrylyp, jazasyn ótep jatqan 33 jastaǵy er adam ekeni belgili boldy. ıAǵnı, kúdikti sottalmas buryn joǵarydaǵy atalǵan qylmystardy jasap, aqshany óz qajettiligine jumsap jibergen», - delingen habarlamada.

Kúdiktige qatysty is qujattar aıyptaý aktisimen sotqa joldandy. Al Saıram aýdanynyń soty 33 jastaǵy jas jigitti QK-tiń 190-babymen (Alaıaqtyq) kináli dep tanyp, tórt jylǵa bas bostandyǵynan aıyrý jazasyn taǵaıyndady. Sondaı-aq, QK-tiń 58-baby 6-bóligin (Qylmystyq quqyq buzýshylyqtar jıyntyǵy boıynsha jaza taǵaıyndaý) qoldanyp, aldyńǵy 2021 jylǵy 22 qańtardaǵy úkimmen taǵaıyndalǵan jazany osy úkimmen taǵaıyndalǵan jazaǵa ishinara qosyp, túpkilikti 7 jyl merzimge bas bostandyǵynan aıyrý jazasy qoldanyldy.


Joǵary qaraı