Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistanda 97 qatty turmystyq qaldyqtar polıgony talapqa saı emes

2022 jyldyń 17 mamyr 2022 17:16

TÚRKІSTAN. QazAqparat- Túrkistan oblysyndaǵy 97 qatty turmystyq qaldyqtar polıgony talapqa sáıkes kelmeıdi. Tipti, Saryaǵash pen Arys aýdandary aýmaǵyndaǵy sanıtarlyq-qorǵanysh aımaǵyna turǵyn úıler salynyp ketken, dep habarlaıdy QazAqparat tilshisi.

Mamandandyrylǵan tabıǵat qorǵaý prokýratýrasy júrgizgen taldaýdyń nátıjesinde 97 polıgonda qoqys tasymaldaıtyn kólikterdiń dóńgelekterin zararsyzdandyrýǵa arnalǵan dezınfektsııalaýshy beton vanna ornatylmaǵany anyqtalǵan. Sondaı-aq, 85 polıgonnyń aýmaǵy perımetr boıynsha qorshalmaǵan.

Oblys aýmaǵyndaǵy 257 eldi mekende jergilikti atqarýshy organdar qatty turmystyq qaldyqtardy turaqty áketýdi uıymdastyrmaǵan. Sonyń saldarynan turǵyndar qaldyqtardy óz kúshterimen tasymaldaǵan. Sondaı-aq, oblystaǵy 158 polıgonnyń tek bireýinde ǵana suryptaý jelisi ornatylǵan.

«Oblys ákimdigi men sanıtarııalyq epıdemıologııalyq baqylaý departamentine atalǵan zań buzýshylyqtardy joıý týraly usynys engizildi. Nátıjesinde 13 tulǵa tártiptik jaýapkershilikke tartyldy. 12 ákimshilik is óndirisi qozǵalyp, 4 226 940 teńge kóleminde aıyppul salyndy», - dedi Túrkistan oblysynyń mamandandyrylǵan tabıǵat qorǵaý prokýrory Serik Ábdıev.


Avtor Qaırat Zaınıshev
Basty sózder: Túrkistan oblysy, Qoǵam,
Joǵary qaraı