Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan polıtseıleri qurylys kranynan sekirip ólmek bolǵan turǵyndy raıynan qaıtardy

2021 jyldyń 18 maýsym 2021 19:10

TÚRKІSTAN. QazAqparat - Túrkistan oblysynda polıtseıler joǵarydan sekirip, ózine qol jumsamaq bolǵan er adamdy qutqaryp qaldy, dep habarlaıdy QazAqparat.

Búgin shamamen tańǵy saǵat 9.30-da Túrkistan qalalyq polıtsııa basqarmasynyń 102 pýltine belgisiz er adam qurylys kranyna kóterilip, ózine qol jumsaýǵa tyrysqany týraly shuǵyl habarlama kelip tústi.

Oqıǵa ornyna birden polıtseılerdiń jedel tergeý toby men prokýratýra ókilderi shyqty.

Polıtseıler men prokýratýra ókilderi kranǵa shyǵyp alǵan er azamatqa túsindirý jumysyn júrgizdi.

Tártip saqshylary óz-ózine qol jumsamaq bolǵan turǵynnyń áreketiniń qaýipti ekenin aıtyp, mundaı qadamǵa barý múlde durys emes ekenin uǵyndyrdy.

Olar osylaısha er adamdy kóndirip, tómenge aman esen túsirdi. Sodan soń ony polıtsııa basqarmasyna jetkizdi.

Qazirgi ýaqytta jergilikti turǵynnyń ómiri men densaýlyǵyna tónip turǵan eshqandaı qaýip joq.

Atalǵan jaıt tirkeldi. Oqıǵanyń barlyq mán-jaıy anyqtalýda.

Óz kezeginde Túrkistan oblysynyń polıtseıleri saqtyq sharalary men QR zańnamasyn saqtaýdy usynady.

«Eger siz osyndaı oqıǵaǵa kýá bolsańyz, dereý 102 telefony boıynsha polıtsııaǵa habar berińiz» dep eskertedi polıtsııa.


Basty sózder: Túrkistan oblysy, Oqıǵa,
Joǵary qaraı