Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan polıtseıleri el aýmaǵyna zańsyz kirgen shetel azamatyn ustady

2021 jyldyń 15 qazan 2021 13:30

TÚRKІSTAN. QazAqparat - Túrkistan oblysynyń polıtseıleri el aýmaǵyna zańsyz kirip ketken sheteldikti Almaty qalasynan ustady, dep habarlaıdy QazAqparat Túrkistan oblystyq Polıtsııa departamentiniń baspasóz qyzmetine silteme jasap.

Saryaǵash aýdandyq polıtsııa basqarmasynyń qyzmetkeleri aýdan aýmaǵyndaǵy sheteldikterdiń tıisti quqyqtyq tártibin qamtamasyz etý, zańsyz kelgen jáne osynda turyp jatqan sheteldikterdi, oǵan qosa zańsyz kóshi-qon arnalary men olardy uıymdastyrýshylardy anyqtaý, Qazaqstan Respýblıkasy aýmaǵyna kelý, bolý, ketý erejelerin saqtaý maqsatynda jedel-profılaktıkalyq jumystardy turaqty túrde júrgizip otyrady.

Osyndaı shara barysynda Saryaǵash aýdany, Baǵys aýylynda ornalasqan aınalma tas joly arqyly QR-nyń aýmaǵyna zańsyz kirip ketken Ózbekstan Respýblıkasynyń azamatyn anyqtady. Ol jumys isteý maqsatynda Almaty qalasynda júrgen jerinen ustaldy.

Tártip saqshylary atalǵan jaıtty QK-niń 392-baby «Qazaqstan Respýblıkasynyń Memlekettik shekarasyn qasaqana zańsyz kesip ótý» boıynsha sotqa deıingi tirkeýdiń biryńǵaı tizilimine tirkedi. Búgingi tańda kúdiktige qatysty sotqa deıingi tergeý amaldary júrip jatyr.

Túrkistan qalasynyń polıtseıleri kóshi-qon zańdylyqtaryn qatań saqtaýǵa shaqyrady. Sondaı-aq Qazaqstan Respýblıkasynyń zańdarynda jazylǵan talaptarǵa qatysty quqyqbuzýshylyq oryn alǵan jaǵdaıda jaýapkershilik qarastyrylǵanyn eskertedi!
Joǵary qaraı