Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan polıtseıi kópirden sekirmek bolǵan áıeldi qutqardy

2021 jyldyń 20 qazan 2021 10:43

TÚRKІSTAN. QazAqparat - Túrkistandyq polıtseıdiń jedel áreketiniń arqasynda temir jol kópirinen sekirmek bolǵan orta jastaǵy áıel qutqaryldy, dep habarlaıdy QazAqparat Túrkistan oblystyq Polıtsııa departamentiniń baspasóz qyzmetine silteme jasap.

Baspasóz qyzmetiniń habarlaýynsha, 18 qazanda áleýmettik jelidegi Instagram, Facebook paraqshalarynda «Túrkistanda polıtsııa qyzmetkeri adam ómirin saqtap qaldy...» degen mátinmen beınejazba tarady.

Bul beınejazbaǵa monıtorıng jasaıtyn Túrkistan oblysy Polıtsııa departamentiniń qyzmetkerleri birden nazar aýdardy. Kópirden adamdy qutqarǵan tártip saqshysyn anyqtaý jumystary júrgizildi. Ol Jergilikti polıtsııa qyzmeti basqarmasy Patrýldik qyzmetin uıymdastyrý tobynyń aǵa ınspektory polıtsııa maıory Baýyrjan Turlybekuly Sarjanov ekeni anyqtaldy.

«Qyzmet babymen tústen keıingi ýaqytta qaladaǵy eki móltekaýdannyń arasyn jalǵap turǵan úlken temirjol kópiriniń aýmaǵynda júrgen bolatynmyn. Shamamen saǵat 15:20 ótken kezde kómek surap aıqaılaǵan dýysty estidim. Daýys shyqqan jaqqa qaraı qarasam temirjoldyń ústinen ótken kópirdiń jıeginde adam ilinip tur eken. Kópirden sekirmekke umtylyp turǵan áıel bolyp kórindi. Birden tura umtyldym. Men kelgende álgi áıeldiń taǵy bir qyz jylap turdy. Qyzdyń jalǵyz ózi kópirden sekirmek bolǵan adamdy qutqarýǵa shamasy kelmeı turǵany kórinip tur. Men ózine qol salmaq bolǵan áıeldi qarsylasqanyna qaramaı kópirdiń jıeginen túsirip aldym. Oǵan mundaı qadamǵa barýdyń qaýipti ekenin, otbasyn oılaý kerektigin aıtyp, biraz áńgimelesip, kópirdiń baspaldaǵynan din aman qaýipsiz orynǵa deıin túsirdim. Sodan soń 102-ge habarlasyp, áriptesterime áıeldi tapsyrdym. Keshkisin áıeldiń halin bilý úshin habaryn aldym, qan qysymy kóterilip dárigerlerdiń kómegine júgingen eken...», - deıdi polıtsııa maıory Baýyrjan Sarjanov.




Búgingi tańda áıeldiń jaǵdaıy jaqsy. Túrkistan qalalyq polıtsııa basqarmasynyń qyzmetkerlerimen áıelge jáne janynda bolǵan sińlisine tıisti kómek kórsetildi. Arnaıy psıholog mamandary áńgimelesip, túsindirý jumystary júrgizildi. Sonymen qatar qazirgi ýaqytta orta jas shamasyndaǵy áıeldiń mundaı qadamǵa barýyna nendeı sebep bolǵany tolyǵymen tekserilýde.


Basty sózder: Polıtsııa, Oqıǵa, Túrkistan oblysy,
Joǵary qaraı