Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń úzdik ustazdary marapattaldy

2020 jyldyń 30 qazan 2020 21:32

TÚRKІSTAN. QazAqparat - Túrkistan oblysynyń úzdik ustazdary marapattaldy, dep habarlaıdy QazAqparat óńirlik kommýnıkatsııalar qyzmetine silteme jasap.

Búgin Túrkistan qalasynda «Úzdik pedagog-2020» baıqaýynyń ІІ kezeń jeńimpazdaryn marapattaý rásimi ótti.

Oblys ákiminiń orynbasary Sáken Qalqamanov marapat ıelerin quttyqtap, usynys-tilekterin tyńdady. Sonymen qatar, úzdik ustazdardy oqýshylarǵa sapaly bilim berip, sanaly urpaq tárbıeleý jolynda qajyrly eńbek ete berýlerine tilektestik bildirdi.

«Baıqaýdyń respýblıkalyq kezeńine Túrkistan oblysynyń pedagogtary arasynan iriktelgen 11 ustaz qatysty. Saıys nátıjesinde respýblıkalyq kezeńge ótken ustazdardyń 3-i «Úzdik pedagog» atanyp,qomaqty syılyqtarmen marapataldy. Búgin respýblıkalyq jarysqa qatysqan ózge 8 muǵalimge Túrkistan oblysy adamı áleýetti damytý basqarmasy tarapynan arnaıy syıaqy men oblystyń «Úzdik pedagog» kýáligi tabystalady. Marapattaryńyz qutty bolsyn, ulaǵatty ustazdar», - dedi Sáken Qalqamanov .

Marapatqa ıe bolǵan muǵalimderdi oblys ákiminiń orynbasary arnaıy quttyqtap, árqaısysyna 850 myń teńgeniń sertıfıkatyn tabystady.











Basty sózder: Túrkistan oblysy, Bilim,
Joǵary qaraı