Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynyń Sozaq aýdanynda jańa mádenıet úıi boı kóterdi

2021 jyldyń 14 jeltoqsan 2021 14:00

SOZAQ. QazAqparat - Túrkistan oblysy, Sozaq aýdanynyń Qaraǵur aýyldyq okrýginde jańa mádenıt úıiniń ǵımaraty paıdalanýǵa berildi. Zamanaýı úlgide salynǵan nysan aýyl turǵyndarynyń shyǵarmashylyq ornyna aınalmaq, dep habarlaıdy QazAqparat tilshisi.

Eski mádenıet úıi toqsanynshy jyldary jaramsyz bolǵandyqtan buzylyp, turǵyndar ár merekelik keshti jergilikti mektepte ótkizetin. 2300-ge jýyq turǵyny bar aýylǵa mádenıet úıi jetispegendikten, bul másele aýdan ákiminiń halyqpen kezdesýinde birneshe ret kóterilgen edi. Búgin qaraǵurlyqtardyń kópten kútken armany oryndaldy. QR Táýelsizdiginiń 30 jyldyq merekesine oraı mádenıet úıi el ıgiligine berildi.




Jańa nysannyń ashylý saltanatynda sóılegen aýdan ákimi Salyhan Polatov jurtshylyqty el Táýelsizdiginiń 30 jyldyq mereıli merekesimen quttyqtap, mádenıettiń ósýi – halyqtyń ósýi, ulttyń órkendeýi ekenin jetkizdi.

«Memleket mádenıet salasynyń damýyna ereshke mán berip keledi. Aýdanda da bul salada úlken jumystar atqaryldy. Kúlli qazaq úshin qundy mádenı eskertkish – Aqbıkesh munarasy qaıta jóndeýden ótti. «Bolashaqqa baǵdar: Rýhanı jańǵyrý» atty baǵdarlamalyq maqaladaǵy Qazaqstannyń kıeli jerleriniń geografııasyna engen tarıhı qundy jádiger, «Tańbaly tas» tarıhı eskertkishine qaıta jańǵyrtý jumystary júrgizildi. Aqqoltyq eldi mekenindegi mádenıet úıiniń qurylysy bastaldy. Sultanbek Qojanov atyndaǵy záýlim mýzeı qurylysy aıaqtaldy. Mereıli mereke qarsańynda paıdalanýǵa berilip, tarıhtan syr shertetin rýhanı-mádenı ortalyqqa aınalady. Mine, búgin Qaraǵur eldi mekenindegi mádenıet úıi Táýelsizdik merekesi qarsańynda ashylyp otyr. Bul bárimiz úshin úlken qýanysh»,- dedi aýdan basshysy.

El Táýelsizdiginiń 30 jyldyǵyna oraı, Jetisaı aýdanynda da «Rámizder alleıasy» ashyldy. «Táýelsizdikke tartý» sharasy aıasynda qoldanysqa berilgen alleıanyń saltanatty ashylý rásimine Jetisaı aýdanynyń ákimi Murat Bolatuly men zııaly qaýym ókilderi, ustazdar men mektep oqýshylary qatysty. Jańadan ashylǵan alleıada 14 metrlik tuǵyrda kók Týymyz jelbirep tur. Sondaı-aq, Ánurannyń mátini tasqa jazylyp, Eltańba ornalastyrylǵan. Saltanatty shara sońynda aýdandyq «Jetisaı» mádenıet úıiniń ónerpazdary jurtshylyqqa ánnen shashý shashyp, merekelik kóńil-kúı syılady. Mereke qarsańynda ashylǵan «Rámizder alleıasy» jastardyń boıynda patrıottyq sezimdi tárbıelep, molaıtýǵa mol septigin tıgizeri anyq.









Joǵary qaraı