Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń qurylǵanyna úsh  jyldan asty

2021 jyldyń 23 qyrkúıek 2021 20:15

TÚRKІSTAN. QazAqparat - Túrkistan oblysynyń qurylǵanyna 3 jyldan asty. Jergilikti halyq Túrkistan qalasyn abattandyrý jáne jasyl qalaǵa aınaldyrý baǵytyndaǵy jumystarǵa dán rızashylyǵyn bildirýde, dep habarlaıdy QazAqparat tilshisi.

Búginde oblys ortalyǵynyń áleýmettik-ekonomıkalyq jáne arhıtektýralyq kelbeti jaqsaryp, jasyl jelegi jaıqalǵan shaharǵa aınalyp keledi. Kógaldandyrý jumystary da toqtaýsyz jalǵasyp jatyr. Túrkistanda jergilikti klımatqa tez beıimdeletin kóshetter men kópjyldyq shópter, gúldeıtin shópterdi ósirýge mán berilgen. Atap aıtqanda, shaharda kóleńke beretin ári tez ósetin qaraǵaı men akatsııa aǵashtary, úlkenjapyraqty shegirshin, úıeńki otyrǵyzylǵan. Qalanyń «Jasyl beldeýinde» jemis aǵashtary da ósirilýde. Bul jumystarǵa agronomdar, mamandar, kásipkerler, qala turǵyndary atsalysýda. Osy rette qalany 32 sektorǵa bólip, aýdan, qala ákimdikteri men basqarmalardy jaýapty etip, jumysty júıeleý óz jemisin berýde.




Oblys ákimi Ómirzaq Shókeev ár sektordy aralap, qalanyń abattandyrý jáne kógaldandyrý jumystaryn turaqty túrde tekserip turady. Barlyq sektorda jumys qarqyny joǵary. Qala kún saıyn qoqystan tazartylyp, gúlzarlar, saıabaqtar jaınaı túsken. Aıaqjoldar men velojoldar, sýburqaqtar elge qyzmet etýde. Qala aýmaǵyndaǵy jasyl aýmaqtarǵa sý júıesi júrgizilip, turaqty túrde sýarylyp jatyr. Jasyl jelekterdi kúndelikti sýarý úshin qala aýmaǵyna gıdranttyq júıe júrgizilgen. Búginde 32 sektorda úsh kezeńmen jumys júrgizilip, 1600 ga jerge 60 myńnan astam kóshet egilgen. Qalada senbilikter ótkizý, turǵyndardyń ekologııalyq saýatyn arttyrý baǵytyndaǵy is-sharalar dástúrge aınalǵan.

«Jasyl beldeý» boıynsha egilgen kóshetterdi kórýge barǵan oblys ákimi Ómirzaq Shókeev jasyl jelekterdiń ýaqtyly sýarylýyna asa mán berilýi kerektigin atap ótti. Sonda ǵana is nátıje beretinin jetkizdi. Jaýapty azamattarǵa jumysty janashyrlyqpen, sergektikpen atqarýdy tapsyrdy. Óz kezeginde shahardaǵy aıtarlyqtaı ózgeristerdi baıqap júrgen qala turǵyny Áshim Aldabergenov jasyl jelekterdiń otyrǵyzylǵanyna rızashylyǵyn bildirdi.

«Burynǵyǵa qaraǵanda bul jerde kóp ózgeris bolyp jatyr. Kógaldandyrý, tazalyq, abattandyrý jumystary óte jaqsy. Oblys bolǵaly osyndaı jaqsylyqtarǵa kýá bolýdamyz. Buryn bul «Jasyl beldeý» men jańa shaǵynaýdannyń orny dala-tuǵyn. Dalany kórkeıtip, jaǵdaı jasap jatqan úkimetke rahmet», – deıdi turǵyn.

Aıta keteıik, bıyl QR Úkimeti Túrkistan oblysyn áleýmettik-ekonomıkalyq damytýdyń 2021-2025 jyldarǵa arnalǵan keshendi josparyn maquldady. Túrkistan qalasyn damytýdyń 1-kezeńi aıaqtalyp, negizgi áleýmettik ınfraqurylymy qalandy. 123 nysannyń qurylysy aıaqtaldy. Túrkistan qalasyn damytýdyń ІІ kezeńi aıasynda 109 joba iske asyrylady. Bul maqsatqa 1,3 trln teńge ınvestıtsııa baǵyttalady. Bul qoldaý men josparlar Túrkistandy Orta Azııadaǵy eń kórikti shaharlardyń birine aınaldyrýǵa serpin beretini sózsiz. Ásirese, abattandyrý, kógaldandyrý jumystary qarqyndy. Jan jadyratar jańalyqtar men kóz qýanttar ózgeristerdi el qazirdiń ózinde bilinip otyr. Túrkistandy damytý baǵytyndaǵy jumystar áli de jalǵasa bermek.











Avtor Aınur Aqbaeva
Basty sózder: Túrkistan oblysy, Ekonomıka, Ákim,
Joǵary qaraı