Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń Eski Iqan aýylynda sońǵy úlgidegi emhana ashyldy

2020 jyldyń 31 qazan 2020 05:19

TÚRKІSTAN. QazAqparat - Túrkistan oblysy Kentaý qalasy Eski Iqan aýylynda jańadan shaǵyn emhana ashyldy. Zamanaýı qural-jabdyqtarmen qamtylǵan medıtsınalyq mekeme jeke kásipkerdiń demeýshiligimen jumysyn bastady, dep habarlaıdy QazAqparat tilshisi.

Jańa mekemeniń saltanatty ashylý rásimine Kentaý qalasy ákiminiń orynbasary Bekaıdar Alımbetov qatysty.

Emhanada biliktiligi joǵary dárigerler men orta medıtsına qyzmetkerleri jumys isteıdi. Olardyń qatarynda endokrınolog, nevropatolog, jalpy tájirbıeli dáriger, ÝDZ dárigeri, stomatolog, akýsher-gınekolog, feldsherler jáne meıirbıkeler bar. Bilikti dárigerler Túrkistan qalasynan tartylǵan. Jalpy jumysqa qabyldanǵan mamandardyń 70 paıyzy jergilikti azamattar. Sondaı-aq, emhanada sońǵy úlgidegi ÝDZ jáne rentgen apparattary ornatylǵan. Jalpy emhanaǵa 50 mln teńge qarjy jumsalǵan.

Buǵan deıin em izdep Túrkistan, Kentaý qalalaryna sabylyp kelgen turǵyndar endi óz aýylynda em qabyldaýǵa múmkindik týǵanyna dán rıza.

Aıta keteıik, aldaǵy ýaqytta jany jomart azamat bir mezette 300 adamǵa deıin qabyldaýǵa qaýqarly klınıka salýdy josparlap otyr.

Basty sózder: Medıtsına, Túrkistan oblysy, Aımaq,
Joǵary qaraı