Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysyndy  40-tan astam blok beket alyndy

2022 jyldyń 15 qańtar 2022 15:34

TÚRKІSTAN. QazAqparat - Túrkistan oblysynda 40-tan astam blok beket alyndy, dep habarlaıdy QazAqparat tilshisi.

El Prezıdenti Qasym-Jomart Toqaevtyń Jarlyǵymen Túrkistan oblysynan tótenshe jaǵdaı rejımi alynyp tastaldy. Birligi men tynyshtyǵyn saqtap qalǵan oblysta komendanttyq saǵat tártibi toqtatylǵandyqtan blok beketterdiń de jumysy aıaqtaldy.

«Memleket basshysynyń Jarlyǵyna sáıkes Túrkistan oblysy men Shymkent qalasynda tótenshe jaǵdaı toqtatyldy. Aýdanaralyq bekettiń barlyǵy jumysyn toqtatty. Biraq Jambyl jáne Qyzylorda oblysymen shekaralas aýmaqtaǵy blok beketter ázirshe qalady. Óıtkeni ol óńirlerde tótenshe jaǵdaı rejımi áli alynǵan joq. Turǵyndarǵa, jolaýshylarǵa erkin jol júrýge múmkindik beriledi» - dedi oblys ákimi Ómirzaq Shókeev.

Sondaı-aq, oblys basshysy tótenshe jaǵdaı kezinde blok beketter arqyly birshama quqyqbuzýshylyqtar anyqtalǵandyǵyn atap ótti.

«30 myńdaı avtokólik tekserildi. Birazynan Almaty, Shymkent qalalarynda bolǵan oqıǵalarǵa qatysqan, qarý-jaraqpen júrgen azamattar ustaldy. Oblys boıynsha 16 qylmystyq is qozǵaldy. Beıbit sherýge qatysqandarǵa túsindirme jumystary júrgizildi. Keıbirine ákimshilik shara qoldanylyp, barlyǵy úılerine qaıtaryldy. Jaǵdaı tolyǵymen turaqtaldy», - dedi Ó.Shókeev.





Joǵary qaraı