Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysyndaǵy halyqty jumyspen qamtý sharalaryna 70 myń adam tartylady

2022 jyldyń 27 qańtar 2022 18:38

TÚRKІSTAN. QazAqparat - Túrkistan oblysyndaǵy halyqty jumyspen qamtý sharalaryna 70 myń adam tartylady, dep habarlaıdy QazAqparat tilshisi.

Memleket basshysy Qasym-Jomart Toqaevtyń tapsyrmasy boıynsha «Jastar praktıkasy» baǵdarlamasynyń merzimi 12 aıǵa uzartylyp, eńbekaqysy 91 890 teńgege jetti. Sonymen qatar, «Alǵashqy jumys orny» jobasynyń merzimi 18 aıǵa deıin uzartylyp, aılyq mólsheri 91 890 teńgege ósken. Bul týraly brıfıngte Túrkistan oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva málimdedi.

Ótken jyly oblystyq bıýdjet esebinen «Alǵashqy jumys orny» baǵdarlamasymen - 229 adam, al «Jastar praktıkasy» jobasymen - 5500-den astam azamat jumysqa ornalastyrylǵan.

«Bıyl «2021-2025 jyldary kásipkerlikti damytý» Ulttyq jobasynyń iske asyrylýy jandanady. Atalǵan Ulttyq jobanyń basty maqsaty -azamattardyń óz isin ashý men damytýyna jaǵdaı jasaý, sýbsıdııalanatyn jumys oryndaryn uıymdastyrý arqyly kásipkerlerdi qoldaý. Ulttyq joba 10 mindetten tursa, onyń 3-i halyqty jumyspen qamtý úshin járdemdesýge baǵyttalǵan», - dedi Ásııa Quralqyzy.

Jalpy bıyl halyqty jumyspen qamtý sharalaryna 70 myń adamdy tartý josparlansa, 240 myńnan astam az qamtylǵan azamattardy qoldaý kózdelgen.


Joǵary qaraı