Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysyndaǵy etnosaralyq qatynas máselesi talqylandy

2021 jyldyń 12 qarasha 2021 18:46

TÚRKІSTAN. QazAqparat - Túrkistan oblysynda «Etnosaralyq qatynastar salasyndaǵy medıasaýattylyqty arttyrý» taqyrybynda semınar-trenıng ótti, dep habarlaıdy QazAqparat tilshisi.

Jıynda Túrkistan oblysy qoǵamdyq damý basqarmasy basshysynyń orynbasary – Assambleıa hatshylyǵynyń meńgerýshisi Dáýren Sarıev qoǵamdyq kelisimdi nyǵaıtý baǵytynda óńirdegi atqarylyp jatqan jumystarǵa toqtalyp, el turaqtylyǵyn saqtaýda aqparattyq qaýipsizdiktiń mańyzdy ekenin atap ótti.

«Turkistan Media Holding» basqarýshy dırektory, respýblıkalyq «Aıqyn» gazetiniń tilshisi Telman Beısenov «Etnosaralyq qatynastardaǵy BAQ-tyń jáne áleýmettik jeliniń róli» taqyrybynda oı qozǵap, syndarly pikirin ortaǵa saldy.
Sondaı-aq, «Qyzmet» gazetiniń bas redaktory, «Serpilis» qoǵamdyq qorynyń tóraıymy Beısenkúl Narymbetova «Etnosaralyq qatynastar týraly halyqqa aqparat berýdiń basty ereksheligi jáne jaýapkershiligi» taqyrybynda mazmundy oılarymen, paıdaly tájirıbesimen bólisti.





Semınar-trenıng barysynda sóz alǵan respýblıkalyq «Erkin oı» gazetiniń bas redaktory Baltabek Túıetaev, aýdandyq «Ordabasy ottary» gazetiniń bas redaktory Ǵalymjan Zııabek, oblystyq «Janýbıı Qozoǵıston» gazetiniń bas redaktory Álisher Satybaldıev, Qazaqstan jazýshylar odaǵy Túrkistan oblystyq fılıalynyń tóraǵasy Aıdar Seıdázim, Qoja Ahmet ıAsaýı atyndaǵy halyqaralyq qazaq-túrik ýnıversıtetiniń ustazy Átirkúl Tashımova jáne Saýran aýdandyq Qoǵamdyq kelisim keńesiniń tóraǵasy Orazbek Ámireev pikirtalastarda belsendilik tanytyp, pikir-usynystaryn ortaǵa saldy.
Іs-shara sońynda semınar jumysyna qatysýshylarǵa arnaıy sertıfıkattar tabystaldy.
Aıta keteıik, búginde Túrkistan oblysynda 50-den asa etnos ókilderi tirshilik etýde. Óńirde turǵyndar úshin mádenıet pen dástúrdi damytýǵa barlyq qajetti jaǵdaılar men ınfraqurylym jasalǵan.
Joǵary qaraı