Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysyndaǵy 20 mektep-ınternat ashanasyna ınvestor 800 mln teńge quıdy

2020 jyldyń 17 qyrkúıek 2020 18:02

NUR-SULTAN. QazAqparat – Túrkistan oblysyndaǵy 20 mektep-ınternattyń ashanasyna ınvestor 800 mıllıon teńge qarjy quıyp, jóndeý jumystaryn júrgizdi. Bul týraly AntikorLive baǵdarlamasynda aıtyldy, dep habarlaıdy QazAqparat tilshisi.

«Túrkistan oblystyq Adamı áleýetti damytý basqarmasyna qarasty 5 kolledj «Jas maman» jobasyna enip, olardy negizgi qural-jabdyqtarmen qamtamasyz etýge respýblıkalyq bıýdjet esebinen 1 mlrd 600 mln qarjy bólindi. 3 kolledj senimgerlik basqarýǵa berildi. 1 kolledj memlekettik -jekeshelik áriptestik aıasynda senimgerlik basqarýǵa berildi. 20 mektep-ınternattyń ashanasy memlekettik- jekeshelik aıasynda senimgerlik basqarýǵa berilýde. Bul qolǵa alynǵan 10 bastama sybaılas jemqorlyq táýekelderin tómendetedi dep sanaımyz», - deıdi Túrkistan oblysy ákiminiń orynbasary Sáken Qalqamanov.

Onyń aıtýynsha, 20 mektep-ınternattyń ashanasyna ınvestor 800 mıllıon teńge óz qarajatyn quıyp, ashanalardyń qural-jabdyqtaryn aýystyryp, jóndeý jumystaryn júrgizgen. Azyq-túlikti jergilikti aýyl sharýashylyǵy ónimderin óndiretin sharýalardan alady.

«Internatta oqıtyn balalarǵa bes ýaqyt tamaq beriletin boldy. Buryn ár mektep-ınternat jyl saıyn ártúrli kásipkermen kelisimshartqa otyrsa, budan bylaı 20 mektep-ınternat 1 ınvestormen ǵana jumys isteıdi. Ol ashanalarǵa baqylaý kamerasyn ornatyp qoıǵandyqtan, tamaq urlaý faktileri oryn almaıtyn bolady», - deıdi ol.


Joǵary qaraı