Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda jol-kólik apatynan úsh adam qaza tapty

2021 jyldyń 21 qyrkúıek 2021 11:14

TÚRKІSTAN. QazAqparat – Túrkistan oblysynda jol-kólik oqıǵasynyń faktisi boıynsha sot aldyndaǵy tergep-tekserý jumystary júrgizilip jatyr. Bul týraly QazAqparat Polisia.kz saıtyna silteme jasap habarlaıdy.

Saýran aýdandyq polıtsııa bólimine júk kólikteriniń qatysýymen bolǵan jol-kólik oqıǵasy týraly habarlama kelip túsken. Atalǵan fakt sot aldyndaǵy tergeýdiń biryńǵaı tiziliminde QR Qylmystyq kodeksiniń 345-babynyń 4-bólimimen (Kólik quraldaryn júrgizýshilerdiń jol qozǵalysy nemese kólik quraldaryn paıdalaný erejelerin buzý») tirkeldi.




Jol apaty ornyna kelip jetken polıtseıler onda tıisti sharalar keshenin ótkizdi. Shymkent-Samara kúre jolynyń 135-shi shaqyrymynda DAF 460 júk kóliginiń júrgizýshisi Shymkentten Túrkistanǵa qaraı jol júrip, joldyń jıeginde turǵan DAF 105 júk kóligimen soqtyǵysqany anyqtaldy.

Jol-kólik apaty saldarynan júk kóliginiń qasynda turǵan úsh adam alǵan jaraqattary saldarynan oqıǵa ornynda qaıtys boldy. Atalǵan fakti boıynsha sot aldyndaǵy tergeý amaldary júrgizilýde. DAF 460 kóliginiń júrgizýshisi qamaýǵa alyndy. Tıisti saraptamalar belgilengen. Tártip saqshylary bolǵan oqıǵanyń barlyq mán-jaıyn anyqtaýda.


Basty sózder: Túrkistan oblysy, Oqıǵa, Kólik, QR ІІM,
Joǵary qaraı