Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda jol apatynan 6 adam qaza boldy

2021 jyldyń 18 qazan 2021 12:05

TÚRKІSTAN. QazAqparat - Túrkistan oblysynda polıtsııa eki jeńil kóliktiń soqtyǵysýy saldarynan 6 adam qaza tapqan jol-kólik oqıǵasy boıynsha tergeý júrgizip jatyr, dep habarlaıdy QazAqparat Túrkistan oblyynyń Polıtsııa departamenti baspasóz qyzmetine silteme jasap.

Baspasóz qyzmetiniń málimetterine qaraǵanda, 16 qazan kúni saǵat 19:14 shamasynda Shardara aýdandyq polıtsııa bóliminiń 102 pýltine jol apaty týraly habarlama kelip tústi. Oqıǵa ornyna birden jedel-tergeý toby shyqty. Polıtseıler oblystyq mańyzy bar Jetisaı-Shardara avtojolynyń 172-shaqyrymynda «Opel Vectra» avtokóligi joldyń qarsy betine shyǵyp, «Audi-100» avtokóligimen soqtyǵysqanyn anyqtady.

Jol-kólik oqıǵasy saldarynan oqıǵa ornynda eki jeńil kóliktiń júrgizýshileri men 4 jolaýshy qaza tapty, olardyń arasynda kámeletke tolmaǵandar da bar. 6 jolaýshy túrli dene jaraqattarymen aýdandyq aýrýhanaǵa jetkizildi.

Atalǵan jaıt QR QK 345-baby 4-bóligi «Eki nemese odan da kóp adamnyń ólimine ákep soqqan Jol júrisi jáne kólik quraldaryn paıdalaný qaǵıdalaryn buzý» boıynsha Shardara aýdandyq polıtsııa bólimi sotqa deıingi tergeýdiń biryńǵaı tizilimine tirkeldi. Tergeýmen Túrkistan oblysy PD anyqtaýshylary aınalysýda. Birqatar saraptamalar taǵaıyndaldy. Sotqa deıingi tergeý barysynda jol-kólik oqıǵasynyń barlyq mán-jaıy anyqtalatyn bolady.

Osy tusta eskerte ketetin jaıt, jedel-tergeý toby oqıǵa ornyn muqııat zerdeleý kezinde, atalmysh avtojolda qandaı da bir zań buzýshylyqtar joq ekenin anyqtady. ıAǵnı, jol qozǵalysyna qatysýshylar úshin jaqsy kórinetin, júrgizýshilerdi eskertetin jol belgileri ornatylǵan.

Túrkistan oblysynyń polıtseıleri barsha kólik júrgizýshilerine árdaıym jol qozǵalysy men qaýipsizdik erejelerin saqtaý kerektigin eskertedi.


Basty sózder: Túrkistan oblysy, Kólik, Oqıǵa, Aımaq,
Joǵary qaraı