Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda jabyq bazarlardyń qyzmeti demalys jáne mereke kúnderi toqtatylady

2021 jyldyń 25 qańtar 2021 00:22

TÚRKІSTAn. QazAqparat - Túrkistan oblysynda karantın men shekteý sharalary uzartyldy. Óńirdiń Bas memlekettik sanıtarııalyq dárigeri N.Nyshanovtyń qaýlysyna sáıkes, azamattardyń qoǵamdyq oryndar júrip-turýyna baılanysty jáne áleýmettik, kásipkerlik nysandardyń jumys kestesine qatysty tártip normalary bekitildi, dep habarlaıdy Óńirlik kommýnıkatsııalar qyzmetiniń baspasóz qyzmeti.

Qańtardyń 15-nen bastap, jabyq bazarlardyń qyzmeti demalys jáne mereke kúnderi toqtatyldy. Jumys kúnderi saǵat 09.00-den 19.00-ge deıin qyzmet kórsetedi. Sondaı-aq, úı janyndaǵy dúkenderge saǵat 09.00-den 23.00-ge deıin jumys isteýine ruqsat berilip otyr. Al, mal bazarlar sanıtarııalyq-dezınfektsııalyq rejımdi kúsheıte otyryp, tek sársenbi kúni jumys isteýine ruqsat etilip otyr.

Sonymen qatar, alyp ketý jáne jetkizip berý rejıminde jumys isteıtin nysandardan basqa, qoǵamdyq tamaqtaný obektileriniń qyzmeti demalys kúnderi men mereke kúnderi jumysyn toqtatady. Dúısenbi-juma kúnderi saǵat 09.00-den 23.00-ge deıin qyzmet kórsetýge ruqsat berildi. Onda da sanıtarııalyq-dezınfektsııalyq rejımdi saqtap, 2 metr áleýmettik qashyqtyq saqtalý kerek.

Al, saýda salasyndaǵy obektilerdiń, onyń ishinde pisirilgen ónimderdi, fast-fýdty, balmuzdaqty, sýsyndardy ótkizý dúńgirshekteri qyzmeti kúsheıtilgen sanıtarııalyq-dezınfektsııalyq rejımmen saǵat 09.00-den 23.00-ge deıin jumys isteýine ruqsat berilgen. Qurylys, optıka, gúl dúkenderi men zoomagazınderdiń qyzmeti jumys kúnderi saǵat 09.00-den 18.00-ge deıin, demalys jáne mereke kúnderi jumysy toqtatyldy.

Sulýlyq salondarynyń, shashtarazdardyń, SPA-ortalyqtardyń kosmetologııalyq qyzmet kórsetetin obektiler qyzmeti (1 kelýshige 4 sh.m. deıin, aldyn ala jazylý boıynsha, jazylý jýrnalyn júrgizýmen, jazylý jýrnalyn nómirleý jáne tigý) saǵat 09.00-den 21.00-ge deıin shekteledi.

Monshalar men saýnalardyń qyzmeti 50 paıyzdan aspaıtyn syıymdylyqta saǵat 10.00-den 21.00-ge deıin, demalys (senbi-jeksenbi) jáne mereke kúnderi jumysy toqtatylady. Mektepke deıingi balalar mekemeleriniń kezekshi toptarynyń qyzmeti 15 adamnan artyq emes jumys isteýine ruqsat etildi.

Fıtnes-ortalyqtar men sporttyq-saýyqtyrý ortalyqtary 30 paıyzdan aspaıtyn syıymdylyqpen, árbir janǵa 5 sharshy metr aýmaqtan kem emes, aldyn ala jazylý jýrnaly arqyly jumys isteıdi. Mundaı nysandar da demalys jáne mereke kúnderi jumys istemeıdi.

Basty sózder: Qoǵam, Karantın, Túrkistan oblysy,
Joǵary qaraı