Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda turǵyndar kókpar uıymdastyrýdy toqtatpaı otyr

2021 jyldyń 22 qańtar 2021 19:44

TÚRKІSTAN. QazAqparat - Túrkistan oblysynda turǵyndar karantın talaptaryna baǵynbastan kókpar uıymdastyrýdy toqtatpaı otyr. Jyl basynan beri oblysta jeti ret kókpar uıymdastyrý jaıty tirkelgen, dep habarlaıdy QazAqparat tilishisi.

Oblystyq PD baspasóz qyzmetiniń málimetinshe, Jetisaı aýdany polıtseıler kezekti reıd júrgizý barysynda kókpar oıyny uıymdastyrylyp jatqanyn anyqtaǵan.

Jergilikti turǵyn 200-ge jýyq adamdy jınap, kókpar berip jatqany belgili boldy.

Tártip saqshylary oıyndy dereý toqtatyp, qatysýshylardy úılerine qaıtarǵan. Olarǵa túsindirý jumysyn júrgizgen.

Al, oıyndy uıymdastyrýshyǵa qatysty QR ÁQBtK 425-baby boıynsha ákimshilik hattama toltyrǵan.

Jınalǵan materıaldar zańdy sheshim qabyldaý úshin Jetisaı aýdandyq sanıtarııalyq-epıdemıologııalyq ortalyǵyna joldanǵan.

Dál osyndaı jaıt Arys aýdanynda da oryn alǵan. Arys APB qyzmetkerleri aýdan ortalyǵynyń batys betkeıinde kókpar ulttyq oıyny ótip jatqanyn anyqtaǵan.

Atalǵan kókparǵa 100-ge tarta turǵyn jınalypty.

Sanıtarlyq talaptarǵa baǵynbaǵan kókpar uıymdastyrýshy da ákimshilik jazaǵa tartylyp, aıyppul tóleıtin boldy.



Joǵary qaraı