Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda trassalar qardan tazartylyp jatyr

2022 jyldyń 20 qańtar 2022 22:07

TÚRKІSTAN. QazAqparat – Túrkistan óńirinde oblystyq mańyzy bar avtomobıl joldaryn qardan tazartý jáne taıǵaqty jerlerge qum-tuz qospasyn shashý jumystary júrip jatyr, dep habarlaıdy QazAqparat tilshisi.

Kúnniń sýytýyna baılanysty 18-19 qańtar kúnderi oblystaǵy joldarǵa 933 750 sharshy metr ınertti zattar shashyldy. Joldardy qysta kútip ustaý úshin 354 jumysshy, 125 birlik arnaıy tehnıka jumyldyrylyp otyr.

2021 jyldyń 23 qarashasynan bastap respýblıkalyq mańyzy bar avtomobıl joldarynyń 321 shaqyrymy aqyly júıege engizilgen bolatyn. Aqyly joldardy kútip ustaý jumystaryn «Shymkent-Tashkent», «Shymkent-Taraz» baǵyttary boıynsha - «ShymkentSpetsKompleks» JShS, «Shymkent-Qyzylorda» baǵyty boıynsha - «South Road» JShS júrgizýde. Qalǵan 402,1 shaqyrym - «Qazaqavtojol» JShS tıesili.




Qysqy maýsymda qaýipti sanalatyn oblystyq mańyzy bar avtomobıl joldarynyń boıynda 4 jylytý beketi ornalasqan. Olardyń árbiri bir mezgilde 30 adamdy qabyldaı alady. Jalpy qysqy maýsymǵa kóktaıǵaqqa qarsy 8 500 tekshe metr qum, 675 tonna ınertti materıaldar daıyndalǵan. Sondaı-aq, azyq-túlikpen qamtamasyz etilip, jylytý úshin kómir otyny da túsirilgen.














Joǵary qaraı