Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda sharýa qojalyqtary sýbsıdııaǵa berilgen 380 mln teńgeni qaltaǵa basty

2021 jyldyń 8 qarasha 2021 19:01

TÚRKІSTAN. QazAqparat - Túrkistan oblysynda 8 aýyl sharýashylyǵy kásiporny 380 mıllıon teńge kólemindegi zańsyz sýbsıdııany ıelengen, dep habarlaıdy QazAqparat.

Qarjy monıtorıngi agenttigi taratqan málimetke sensek, sońǵy bes jylda aýyl sharýashylyǵyn damytýǵa memlekettik bıýdjetten 2 trln teńgeden astam qarajat bólingen.

Oǵan qaramastan, aýyl sharýashylyǵy kásiporyndaryna memlekettik sýbsıdııa retinde bólingen bıýdjet qarajatyn jymqyrý derekteri de bar.

Máselen, Qarjylyq monıtorıng agenttiginiń Túrkistan oblysy boıynsha aýmaqtyq departamenti 8 sharýa qojalyǵynyń basshylaryna qatysty sýbsıdııany zańsyz ıelený deregi boıynsha qylmystyq is qozǵady.

Sharýa qojalyq basshylary «Sybaǵa» memlekettik baǵdarlamasy aıasynda sýbsıdııa alýǵa ótinim bergen kezde jalǵan málimetterdi kórsetken.

Atap aıtqanda, olar Reseı Federatsııasynan iri qara mal satyp alýdy jáne ákelýdi rastaıtyn jalǵan qujattardy usynǵan.

QR AShM Veterınarlyq baqylaý jáne qadaǵalaý komıtetiniń oblystyq ınspektsııasynyń derekterine sáıkes atalǵan zańdy tulǵalar iri qara mal satyp alýǵa ótinim jibermegen jáne olardy RF-dan ákelý boıynsha baǵyttyq qaǵazdardy alǵan joq.

Atalǵan sharýa qojalyqtaryna zańsyz tólengen sýbsıdııanyń jalpy somasy 380 mıllıon teńgeni qurady, al nesıeniń jalpy somasy 1 mıllıard teńgeden asty.


Joǵary qaraı