Aýa raıy
Astana 25 °S
Almaty 25 °S
valıýta baǵamy
USD 410.70
EUR 465.28
RUB 5.80
CNY 58.81

Túrkistan oblysynda polıtseıler arasynda voleıboldan týrnır ótti

2019 jyldyń 13 qarasha 2019 13:46

JETІSAI. QazAqparat – Túrkistan oblysynyń polıtseıleri arasynda  voleıboldan týrnır  ótti. Jetisaı APB-i  uıymdastyrǵan sporttyq is-shara ishki ister organynda qyzmet atqaryp qaıtys bolǵan polıtsııa maıory Ahmetov Sálken Seıitulyn eke alýǵa arnaldy, dep habarlaıdy QazAqparat tilshisi.

Atalǵan oblystyq týrnırge Túlkibas, Saıram, Báıdibek, Saryaǵash, Shardara, Qazyǵurt, Jetisaı aýdandarynan jáne Shymkent qalasynan «Vodokanal», «Shyǵys», «Ardager» sekildi komandalary, ıaǵnı jalpy eseppen 12-komanda qatysty.

Alty saǵatqa sozylǵan saıysta komandalar bir-birine des bermeı, ózderiniń myqtylyqtaryn kórsetti. Nátıjesinde, 1-oryndy Jetisaı APB, 2-oryndy Saıram APB-nen kelgen komandalar ıelendi. Al, 3-oryn Báıdibek APB-nen kelgen polıtseıler komandasyna buıyrdy.

Jeńimpazdar arnaıy «Alǵys hatpen» jáne baǵaly syılyqtarmen marapattaldy. Sondaı-aq, oıyn barysynda ózderiniń kásibıligin kórsetken jáne belsendilik tanytqan ardager polıtseılerge de túrli nomınatsııalar boıynsha alǵys hattar tabystaldy. Tártip saqshylarynyń sportqa degen súıispenshiligin arttyryp, patrıottyq rýhty kóteretin jarys osylaısha óz máresine jetti.

Aıta keteıik, sporttyq is-shara polıtseıler arasynda dostyq qarym-qatynasty kúsheıtý, kúndelikti qyzmetten bólek turaqty túrde sportpen shuǵyldaný, salaýatty ómir saltyn qalyptastyrý bolyp tabylady. Bastysy eline adal qyzmetin atqarǵan polıtseılerdi urpaqqa tanytý bolmaq.
















Avtor Aınur Aqbaeva
Basty sózder: Sport, Túrkistan oblysy,
Joǵary qaraı