Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda ózgelerdi bopsalaǵan «blogerler» sottaldy

2020 jyldyń 21 qyrkúıek 2020 15:27

TÚRKІSTAN. QazAqparat – Túrkistan oblysynda ózgelerdi blogerler bolyp bopsalaǵan uıymdasqan qylmystyq toptyń músheleri sottaldy. Olar 6 aı kóleminde Jetisaı jáne Maqtaaral aýdandarynyń aýmaǵynda bopsalaý men alaıaqtyq arqyly 17 jeke adamnyń aqshasyn ıemdengen, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, bas-aıaǵy 17 adam uıymdasqan qylmystyq toptyń qurbany bolǵan. 4 adamnan turatyn top jábirlenýshilerge 2 mln teńgeden astam shyǵyn keltirgen.

«Olar óz qyzmetine zańdylyq berý úshin tutynýshylardyń quqyqtaryn qorǵaý jáne sybaılas jemqorlyqqa qarsy kúres túrinde jalǵan qoǵamdyq uıym ashqan. Árqaısysyna naqty rólder berilgen. Sonymen qatar jalǵan kýálikter men esimhattar jasaǵan. Olar jábirlenýshilerge ózderin blogerler, jýrnalıster jáne zańgerler retinde tanystyryp otyrǵan. Qylmyskerler barlyq áreketterdi beınetaspaǵa túsirip, áleýmettik jelilerde beınejazbalardy jarııalaımyz dep qorqytyp, olardan aqsha talap etken»,- deıdi Túrkistan oblystyq Polıtsııa departamenti bastyǵynyń orynbasary Qurmanbek Sahov.

Atap aıtqanda, uıymdasqan qylmystyq top músheleri 2019 jyly Maqtaaral aýdanyndaǵy qurylys alańdarynyń birine baryp, ondaǵy atqarylyp jatqan jumystar nashar sapamen jáne túrli zańbuzýshylyqtarmen júrgizilip jatyr degen syltaýmen qurylys fırmasynyń basshysynan 500 myń teńge talap etken. Al, ótken jyldyń kúzinde ekologııany qorǵaý túrimen jergilikti fırmalardyń biriniń keńsesine kelip, dırektordan aı saıyn 100 myń teńge kóleminde tólem talap etken. Jábirlenýshi óz kezeginde Jetisaı APB-ne aryzdanǵan. Jasalǵan qylmystardyń aýyrlyǵy men biregeıligin eskere otyryp, qylmysty ashýǵa jáne tergeýge oblystyq krımınaldyq polıtsııa qyzmetkerleri men tergeýshileri aýdandyq polıtsııa qyzmetkerlerine kómekke jiberilgen. Sotqa deıingi tergeý aıasynda jetkilikti dálelder jınaqtalyp, qylmyskerler aqsha alý kezinde ustaldy.

«10 aıdyń ishinde osy qylmystyq toptyń ár qatysýshysynyń kinási tolyǵymen dáleldendi. Sonymen qatar bul top uıymdasqan sıpatta bopsalaý men alaıaqtyqtyń 17 jaıtyna qatysty bolyp shyqqan. Qylmystyq toptyń uıymdastyrýshysy men músheleri QR QK-niń 262-babynyń 1-bóliginde «Uıymdasqan top, qylmystyq uıym qurý jáne oǵan basshylyq etý, sol sııaqty olarǵa qatysý«, 194-babynda «Qorqytyp alýshylyq» jáne 190-babynda «Alaıaqtyq» kózdelgen qylmystardy jasaǵany úshin 10 jáne 8 jylǵa bas bostandyǵynan aıyryldy»,- delingen habarlamada.


Joǵary qaraı