Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda mektepte soqqyǵa jyǵylǵan 5-synyp oqýshysy mert boldy

2021 jyldyń 15 qazan 2021 17:08

TÚRKІSTAN. QazAqparat – Buqaralyq aqparat quraldarynda Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany týraly habar tarady. Osyǵan oraı QazAqparat tilshisi qaıǵyly jaıttyń mán-jaıyn bilý úshin atalǵan oqıǵa oryn alǵan mektep ákimshiligine, Túrkistan oblystyq Densaýlyq saqtaý basqarmasy men Polıtsııa departamentine júgingen bolatyn.

Qaza tapqan oqýshynyń ákesi BAQ ókilderine bergen suhbatynda nemeresi mektep dárethanasynda soqqyǵa jyǵylǵanyn, al dárigerler balanyń basynda aýyr jaraqat bolǵanyn aıtady.

Densaýlyq saqtaý basqarmasynyń baspasóz qyzmeti balanyń jaǵdaıy óte aýyr bolǵanyn rastap otyr.

«Olar bizge 2-3 kúnnen keıin ǵana júgindi. Oǵan deıin balany úıde emdegen. Jaǵdaıy óte aýyr boldy. Medıtsınalyq saraptamanyń aldyn ala dıagnozy – bas mıy isinýi, júrektiń kenetten toqtap qalýy», - dedi basqarmadan.



Al №18 mektep-lıtseıiniń dırektory Ýálıhan Besimbaev balany uryp-soqqany jaıynda estimegenin aıtady.

«Bala mektepke kelip júrdi, barlyq sabaqqa qatysty. Ájesiniń aıtýynsha, bul jaıt 6 qazan, sársenbi kúni bolǵan. Al beısendi men jumada ol kún saıyn sabaqqa kelip júrdi. Dúısenbide de sabaqta boldy. Balanyń oqý úlgerimi ortasha. Bala óte kóńildi júretin, sabaqqa da jaqsy qatysatyn. Psıhologtar beıimdeý trenıngin ótkizdi. Ol óte baısaldy bala edi. Ájesi ony mektepke ózi alyp kelip, synyp jetekshisine oqýshylardyń biri oǵan tıiskenin aıtypty. Sodan keıin sol balaǵa eskertý jasaýdy ótingen. Olar kishkentaı balar, 0-synyptan beri birge oqıdy. Altynshy sabaqta balanyń dene qyzýy kóterilgen. Aǵasy mektepten alyp ketti. Úıinde taǵy dene qyzýy kóterilip, osyndaı jaǵdaı oryn aldy. Bul jaıynda estigende esten tana jazdadyq. Uryp-soǵý jaıynda biz aıtqan emespiz, tipti estigen de joqpyz. Endi barlyǵyn saraptama sheshedi», - dedi mektep dırektory.

Túrkistan oblystyq Polıtsııa departamenti de tekserý júrgizilip jatqanyn habarlady.

«Birqatar saraptama taǵaıyndaldy. Onyń qorytyndysymen QR zańy aıasynda sheshim qabyldanatyn bolady», - dedi departament baspasóz qyzmetiniń jetekshisi Saltanat Qarakózova.


Vıdeo: KTK telearnasynan


Joǵary qaraı