Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda mal urlyǵymen aınalysqan 2 uıymdasqan qylmystyq top ustaldy

2021 jyldyń 8 jeltoqsan 2021 09:33

TÚRKІSTAN. QazAqparat - Ordabasy men Arys aýdanynda mal urlap kelgen eki uıymdasqan qylmystyq top ustaldy. Turǵyndarǵa jalpy 18 mln teńge shyǵyn keltirilgen, dep habarlaıdy QazAqparat tilshisi.

Bul týraly Túrkistan oblysy polıtsııa departamenti bastyǵynyń orynbasary Qurmanbek Sahov aıtyp berdi.

«Ordabasy aýdanynda mal urlyǵymen aınalysqan 5 kúdiktini ustadyq. ıAǵnı, qylmysty uıymdastyrýshy men sybaılastary qolǵa tústi. Sondaı-aq, jylqy etin satyp alyp otyrǵan satýshy áıel de ustaldy», - dedi Q. Sahov. Kúdiktilerdiń biri buryn da mal urlaǵany úshin sottalǵan Shymkent qalasynyń turǵyny. Al qalǵandary bir-birine týys Ordabasy aýdanynyń turǵyndary.

Qylmystyq top quny 10,4 mln bolatyn 26 jylqyny urlaǵan. Olardyń árqaısysy óziniń atqaratyn rólin bólip alyp, josparly túrde urlaǵan jylqyny soıyp, etin bazarǵa ótkizip otyrǵan.




Olardan maldy tasymaldaǵan «Gazel» kóligi men 2 jylqy tárkilengen. Qazirgi tańda kúdiktiler qamaýǵa alyndy. Olarǵa qatysty QR QK 188-1-baby «mal urlyǵy» boıynsha sotqa deıingi tergeý amaldary júrgizilip jatyr.

Sonymen qatar, dál osyǵan uqsas mal urlyǵyn jasap kelgen taǵy bir uıymdasqan qylmystyq top Arys aýdanynda qolǵa tústi.

«Bul toptyń uıymdastyrýshysy óziniń 2 sybaılasymen birge jaıylymǵa baryp, jylqyny atyp alyp otyrǵan. Sol jerde soıyp, etin «BMV» markaly kólikterine salyp alyp ketken. Sosyn ony aqshaǵa satqan. Tekserý kezinde ustalǵan 3 kúdikti de buryn osyndaı qylmysy úshin sotty bolǵany anyqtaldy. Sondaı-aq, kúdiktilerden jylqy etin satyp alǵan 2 er adam qolǵa tústi», - dedi Qurmanbek Sahov.

Kúdiktilerdiń biri Shymkent qalasynyń, ekinshisi Túrkistan oblysynyń Saıram aýdanynyń turǵyndary.

Uıymdasqan qylmystyq top músheleri jalpy 19 jylqyny urlap, mal ıelerine 7,6 mln teńge shyǵyn keltirgen. Atalǵan top múshelerinen «BMV» markaly jeńil kólik pen 16 kalıbrli ańshy myltyǵy tárkilendi. Búginde bul top músheleri de qamaýǵa alyndy. Sotqa deıingi tergeý amaldary júrgizilip jatyr.





Joǵary qaraı