Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda maqtanyń tonnasy 250 myń teńgeden qabyldanýda

2021 jyldyń 18 qyrkúıek 2021 01:25

TÚRKІSTAN. QazAqparat - Túrkistan oblysynyń Maqtaaral, Jetisaı aýdandarynda alǵash bolyp maqta terimi bastaldy. Shıtti maqtanyń bir tonnasy 250 myń teńgeden qabyldanýda, dep habarlaıdy QazAqparat tilshisi.

Sala mamandary bul baǵanyń ótken jylmen salystyrǵanda 100 myń teńgege qymbat ekenin aıtady. Búginde óńirde 18 maqta óńdeý zaýytynyń 206 maqta qabyldaý beketi jumys isteıdi. Bıylǵy jyly 110 myń gektar alqapqa maqta daqyly egilgen. Jospar boıynsha 250 myń tonna shıtti maqta jınaý josparlanyp otyr. Maqtaaral, Jetisaı aýdandaryna jasaǵan jumys saparynda aýyl sharýashylyǵy salasyndaǵy atqarylyp jatqan jumystarmen tanysqan Túrkistan oblysynyń ákimi Ómirzaq Shókeev sharýalarmen kezdesti. Jańartylǵan tehnıkamen tanysyp, dıqandardyń máselesin tyńdady.

«Osynyń barlyǵy Elbasynyń qoldaýymen, Memleket basshysynyń tapsyrmasymen júzege asyrylyp jatqanyn bilip otyrmyz. Kórshi Ózbekstan elimen kelisimge kelip, aǵyn sýdy arttyrǵanyn kórdik. Sonyń arqasynda aǵyn sýdan tarshylyq kórmedik. Memleket qoldaýymen selıtra men dızel de jetkilikti boldy. Osyndaı halyqqa qyzmet etip jatqan el aǵalarynyń jumystary júre bersin. Eldiń rahmetin alyp jatyr, halyq rızamyz. Dıqandardyń barlyǵy qýanyshty, tabystary jaqsy, budan jigirlenip, keler jyly jumys isteımiz dep oılaımyz»,-dedi sharýa qojalyǵynyń ıesi Murat Qurbanov.

Sharýalar ár gektardan orta eseppen 30 tsentnerden ónip alyp, 500 myń teńgege deıin paıda tappaq. Egis alqabynda oblystyq aýyl sharýashylyǵy basqarmasynyń basshysy Nurbek Badyraqov óńirdiń saladaǵy jetistikterimen bólisti.

«Osyndaı ónim alyp, taýar óndirýshilerdiń áleýmettik ekonomıkalyq jaǵdaıyn arttyrýǵa bul Memleket basshylarynyń ekijaqty yntymaqtastyq týraly kelisiminiń arqasynda. Óıtkeni, bul eki aýdan da transshekaralyq Dostyq kanaly arqyly sý ishedi. Bul Ózbekstan Respýblıkasy arqyly keledi. Jaqsy jumystar nátıjesinde bıylǵy qýanshylyqqa qaramastan Maqtaaral men Jetisaı aýdandary tıisti deńgeıde aǵyn sýmen qamtamasyz etilip otyr»,- dedi ol.


Joǵary qaraı