Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda kópbalaly ana memlekettiń qoldaýymen kondıter tsehyn ashty

2020 jyldyń 19 qarasha 2020 22:10

TÚLKІBAS. QazAqparat - Túrkistan oblysy Túlkibas aýdanynyń turǵyny Jadyra Baıjanova kásipkerlerdi qoldaýǵa arnalǵan memlekettik baǵdarlamany paıdalanyp, óz úıinen kondıterlik tseh ashqan, dep habarlaıdy QazAqparat.

Tórt qyzdyń anasy bul kásipti bastamas buryn kásipkerlik negizderi boıynsha arnaıy kýrs oqyp, 555 myń teńge memlekettik grant utyp alǵan.

Sol qarjyǵa bálish pisiretin pesh alyp, úıinde túrli nan ónimderin daıyndaýdy qolǵa aldy.

«Jalpy, bul kásippen aınalysyp júrgenime úsh jylǵa jýyqtady. Bastapqyda ónimderimdi dúkenderge ótkizip júrdim. Keıinnen úıde otyryp tapsyrys qabyldaýǵa kóshtim. Ózimniń mashyqtanǵan kásibim bolǵan soń, memlekettik baǵdarlamany paıdalana otyryp, osy isti qolǵa alǵandy jón kórdim. Endi qasyma kómekshi qyzdar alyp, osy ispen aınalysyp kelemin», – deıdi Jadyra Joldasqyzy.




Ýaqyt ótken saıyn ónimge degen suranys artyp kele jatqanyn baıqaǵan kásipker, keleshekte halyq kóp shoǵyrlanǵan ortalyq jerden táttiler pisiretin oryn ashýdy josparlap otyr.

Aıta keteıik, aýdanda aǵymdaǵy jyldyń 10 aıynda jańa bıznes ıdeıalardy iske asyrýǵa arnalǵan 555 myń teńge kólemindegi memlekettik grantty 202 azamat alǵan.

Sondaı-aq, «Nátıjeli jumyspen qamtý jáne kásipkerlikti damytýdyń 2017-2021 jyldarǵa arnalǵan baǵdarlamasy» aıasynda 10 aıdyń nátıjesimen 60 azamat oqýǵa jiberilgen.




Bıyl jappaı kásipkerlikti damytý boıynsha jospardaǵy 90 azamattyń 60-na nesıe berilse, onyń 3-eýi múmkindigi shekteýli jandar.


Joǵary qaraı