Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda kólikpen dosyn súıregen júrgizýshi tabyldy

2021 jyldyń 23 maýsym 2021 22:25

TÚRKІSTAN. QazAqparat – Túrkistan oblysynda dosyn kóliktiń artyna baılap súıregen júrgizýshi anyqtalyp, jaýapqa tartyldy, dep habarlaıdy QazAqparat.

Oblystyń polıtsııa qyzmetkerleri áleýmettik jelilerge monıtorıng júrgizý barysynda Instagram-daǵy paraqshalardyń birinen vıdeo baıqaǵan. Onda bir top jas jigit «VAZ-2114» markaly kóliktiń artyna dostaryn baılap, ony vıdeoǵa túsirgeni jazylǵan.

Polıtseılerdiń anyqtaýynsha, oqıǵa Túrkistan qalasyndaǵy kóshelerdiń birinde bolǵan.

«Jol qozǵalysy erejesin óreskel buzǵan jas jigitke qatysty QR ÁQBtK-niń 593-baby 1-bóligi («Jolaýshylar men júkterdi tasymaldaý, jol júrisi qaǵıdalarynda kózdelgen qaýipsizdik beldikterin nemese motoshlemderdi paıdalaný jónindegi talaptardy saqtamaý») jáne 606-baptyń 1-bóligi («Jol júrisine qatysýshynyń jol júrisi qaǵıdalaryn avarııalyq jaǵdaı týǵyzýǵa ákep soqqan buzýshylyǵy») boıynsha hattama toltyryldy.

Jas jigitter jasaǵan áreketteri úshin ókinip, aldaǵy ýaqytta mundaı bassyzdyqtarǵa jol bermeıtinin jetkizgen. Júrgizýshi Túrkistan turǵyny bolsa, janynda bolǵan dostary Taraz qalasynan kelgen.


Basty sózder: Aımaq, Túrkistan oblysy, Qoǵam, Kólik, Jol, Vıdeo,
Joǵary qaraı