Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda qar qursaýynda qalǵan kólikterdegi jolaýshylar qutqarylýda

2021 jyldyń 24 qańtar 2021 02:11

TÚRKІSTAN. QazAqparat – Túrkistan oblysyndaǵy ýaqytsha jabylǵan oblystyq jáne respýblıkalyq joldarda kólikter qar qursaýynda qalyp qoıǵan. Bul rette oblystyq TJD qyzmetkerleri tarapynan qutqarý jumystary júrgizilýde, dep habarlaıdy QazAqparat tilshisi.

Oblystyq TJD baspasóz qyzmetiniń málimetinshe, Túrkistan oblysy men Qyzylorda oblysy arasyndaǵy Shymkent-Samara tas joly boıynda 17 aýyr júk avtokóligindegi 34 adam men 86 jeńil avtokóliktegi 296 adam, onyń ishinde 15 bala qutqaryldy.


Bul jumystarǵa TJD-niń 1 tehnıkasy men 7 jeke quramy jumyldyrylǵan. Al, Qyzylorda oblysynyń PD-ne qarasty JPP qyzmetkerleri 2 kishi qoǵamdyq jolaýshy avtokóligindegi 20 adamdy qar qursaýynan qutqarý jumystaryn júrgizdi.


Sol sııaqty Sozaq aýdanynyń Taskómirsaı eldimekenindegi jol boıynda TJD «AQJ» (ASO) qyzmetkerleri 1 jeńil avtokólik pen 4 adamǵa qutqarý sharalaryn atqarǵan. TJD qyzmetkerleri men Sozaq jáne Báıdibek aýdany ákimdikteriniń qyzmetkerleri tarapynan Odaman bulaq asýyndaǵy 23 adam qar qursaýynan qaýipsiz orynǵa jetkizilgen.


Keshki saǵat 20:05 mınýtta Shymkent qalasy TJD 1 tehnıka (ýral vahtovka) 4 jeke qurammen jáne Sozaq aýdany ákimdiginiń uıymdastyrýymen 2 tehnıka (ýral, pogrýzchık) Báıdibek aýdanynda qar kóshkininde qalyp qoıǵan adamdarǵa qutqarýǵa shyqty.


Osylaısha, óńirde jalpy sany 107 tehnıkamen 377 adam (onyń ishinde 75 balalar) qutqarylǵan. Qazirgi tańda oblystyq Tótenshe jaǵdaılar departamentinde shuǵyl shtab qurylyp, qala, aýdandardaǵy jedel den qoıý jasaqtary daıyndyqqa keltirilgen.






Joǵary qaraı