Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda ekpe alýǵa tıis halyq 100% vaktsına saldyrdy

2022 jyldyń 17 qańtar 2022 13:11

TÚRKІSTAN. QazAqparat - Túrkistan oblysynyń turǵyndary 100% koronavırýsqa qarsy vaktsına aldy, dep habarlaıdy QazAqparat tilshisi Túrkistan oblysy sanıtarııalyq-epıdemıologııalyq baqylaý departamentiniń baspasóz qyzmetine silteme jasap.

Túrkistan oblysy ekpe saldyrý kórsetkishi boıynsha aldyńǵy úshtik qatarynda.

Óńir epıdemıologtarynyń zerdeleýine sáıkes, jappaı vaktsına alýdyń arqasynda koronavırýs ınfektsııasyn juqtyrǵan azamattar aýrýdy jeńil ótkerip, ólim sanyn azaıtýǵa aıtarlyqtaı septigin tıgizip otyr.

Oblysta Covid-19 ınfektsııasyna qarsy vaktsına saldyrýǵa jatatyn azamattardyń sany - 1 mln 046 130.

Oblysta vaktsına saldyrý naýqany bastalǵan 2021 jyldyń aqpan aıynan búgingi kúnge deıin, І-komponentti saldyrǵandar sany 100% jetti.

Al, vaktsınanyń ІІ komponentin alǵan turǵyndar sany 98,7% qurap otyr.

Óńir epıdemıologtary «joǵarydaǵy kórsetkish karantın talaptaryn saqtamaýǵa bolady degendi bildirmeıdi» deıdi.

Sebebi, 15 qańtar kúngi epıdemıologııalyq baǵalaý matrıtsasy boıynsha Túrkistan oblysy «jasyl» aımaqtan «sary» aımaqqa endi.

Sondyqtan epıdemıologtar turǵyndardy revaktsınatsııalanýǵa shaqyryp otyr.

Búginde Túrkistan oblysynda revaktsına alǵandar sany 58 809-ǵa jetti.


Joǵary qaraı