Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda eki jetkinshek sýǵa batyp ketti

2022 jyldyń 23 mamyr 2022 23:24

TÚRKІSTAN. QazAqparat – Túrkistan oblysy Báıdibek aýdanynda eki jetkinshek sýǵa batyp ketti. 10 jastaǵy 2 balanyń máıiti Bógen ózeninen tabyldy, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, Báıdibek aýdandyq polıtsııa bólimine jergilikti turǵyn ózenge shomylýǵa ketken ulyn tappaı qalǵanyn aıtyp kómek suraǵan. Onyń aıtýynsha, 2012 jyly týǵan eki bala Shaldar aýylynyń mańyndaǵy «Bógen» ózeniniń 2 metr tereńdiktegi jerine túsken. Sodan sýdan shyqpapty. Qasynda bolǵan eki bala kómekke aýyldastaryn shaqyrtqan. Oqıǵa ornyna Báıdibek APB-niń bastyǵy bastaǵan jedel-tergeý toby men prokýratýra qyzmetkerleri, tótenshe jaǵdaı qyzmetiniń 34 mamany men 11 tehnıka jumyldyrylǵan. Birneshe saǵatqa sozylǵan jedel-izdestirý is-sharasy nátıjesinde ekeýiniń de máıitin tabyldy.

«Oqıǵa ornyn qaraý barysynda balalardyń kıimderi men velosıpedteri tabyldy. Qazirgi tańda atalǵan derek Báıdibek APB-de tirkelip, tergep-tekserý júrgizilýde»,- deıdi oblystyq Polıtsııa departamentiniń baspasóz hatshysy Gúlnar Ábdirahmanqyzy.


Avtor Aınur Aqbaeva
Basty sózder: , Túrkistan oblysy, Oqıǵa,
Joǵary qaraı