Aýa raıy
Astana 11 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysynda dárilik preparattar eki ese qymbat baǵaǵa satylǵan

2020 jyldyń 7 shilde 2020 11:02

TÚRKІSTAN. QazAqparat – Túrkistan oblysynda dári-dármekter men medıtsınalyq qurylǵyldardy zańsyz satýdyń 5 faktisi anyqtaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, Túrkistan qalasynyń aýmaǵynda júrgizilgen jedel is-sharalary kezinde polıtsııa qyzmetkerleri dárihanalardyń biriniń farmatsevtin Tsef ІІІ antıbıotıgin úlken kólemde satyp jatqan jerinen ustaǵan. Ol 336 qoraptyń árqaısysyn (bir qorapta 1 flakon – red.) 1500 teńgeden, jalpy 405 myń teńgege saýdalaǵan. Al, dárihanalardaǵy bir qoraptyń quny – 1300 teńge.





Odan ári, áleýmettik jelilerdi baqylaý barysynda krımınaldyq polıtsııa qyzmetkerleri Saryaǵash turǵynynyń medıtsınalyq maskalardy zańsyz saýdalanǵanyn anyqtady. Turǵynnyń kóligin tekserý kezinde taǵy 4950 dana medıtsınalyq maska tárkilendi.

Sol kúni Arys aýdanynda polıtsııa qyzmetkerleri Askorbın qyshqyly Arys qalasyndaǵy dárihanalardyń birinde 700 teńgeden satylǵanyn anyqtaǵan. Atalǵan preparattyń bólshek saýdadaǵy baǵasy - 300 teńge.

«Barlyq anyqtalǵan faktiler boıynsha tekserý júrgizilip, Qazaqstan Respýblıkasynyń zańnamasyna sáıkes arnaıy sharalar qabyldanatyn bolady. Óz kezeginde, Túrkistan oblysynyń polıtsııasy dári-dármekterdiń qymbat baǵamen, ári zańsyz satylýyna kýá bolǵan azamattardy polıtsııanyń 102 telefonyna habarlasýǵa shaqyrady», - delingen habarlamada.





Joǵary qaraı