Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda baqsha daqyldarynyń 53% eksporttalady

2020 jyldyń 31 shilde 2020 05:21

TÚRKІSTAN. QazAqparat - Ózge óńirlerdi jemis-jıdek, kókónisimen qamtamasyz etetin jeri qunarly ólke osylaısha búkil Qazaqstan halqy qajettiliginen 3.2 ese artyq baqsha ónimderin óndirip otyr. Baqsha ónimi - Túrkistan oblysy úshin eksportqa baǵyttalǵan maqtadan keıingi ekinshi ónim, dep habarlaıdy QazAqparat oblys ákiminiń baspasóz qyzmetine silteme jasap.

Oblystyń tabıǵı klımattyq ereksheligine oraı erte pisetin baqsha, kókónis, kartop ónimderin jınaý qarqyndy júrip jatyr. Oblystyq aýyl sharýashylyǵy basqarmasynyń málimetinshe, pııaz, sábiz, qyzanaq, qııar ekken 10 276 sharýa qojalyǵy 1 ga-dan ortasha 1,5-2 mln teńge tóńireginde tabys kóredi.

Dıqandar jylyna eki-úsh márte ónim alý men jańbyrlatyp sýarý júıesin myqtap qolǵa alǵan. Aldyn ala esep boıynsha, bıyl 2,8 mln tonna kókónis, baqsha, kartop ónimderi jınalady dep kútilip otyr. Búginde 1,8 mln tonna nemese ónimniń 64% jınaldy.

6 aıda atqarylǵan jumys nátıjesi boıynsha, óńirde 60 paıyz astyq orylyp, gektar túsimi 19 tsentnerden 261,1 myń tonna astyq qambaǵa quıyldy. Astyq orý naýqany tamyz aıynyń alǵashqy on kúndiginde aıaqtalady.




Mal sharýashylyǵyn memlekettik qoldaý men sýbsıdııalaý da mal basy men ónimdiliktiń ulǵaıýyna oń áserin tıgizip otyr. Atap aıtqanda, mal basyn ulǵaıtýǵa 6,4 mlrd teńge bólinip, 936 agroqurylymǵa 2,5 mlrd teńge sýbsıdııa tólengen. Nátıjesinde, jarty jylda iri qara mal sany 6,1 paıyzǵa artqan.




Ekonomıkalyq ósimi qarqyndy ári, aýyl sharýashylyǵy salasy boıynsha elde erekshe orny bar Túrkistan oblysynda jalpy sany 71,8 myń sharýa qojalyǵy tirkelgen. Respýblıkadaǵy úlesi - 33 paıyz.




200 myńǵa jýyq azamat egin, mal sharýashylyǵynda jumyspen qamtylǵan. Jyl sońyna deıin aýyl sharýashylyǵy ónimi ótken jylǵa qaraǵanda 77 mlrd teńgege artyp, 706 mlrd teńgeni quraıdy dep kútilýde.






















Joǵary qaraı