Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda azyq-túlik taýarlarynyń baǵasy baqylaýda

2022 jyldyń 21 qańtar 2022 01:57

TÚRKІSTAN. QazAqparat - Túrkistan oblysynda azyq-túlik taýarlarynyń baǵasy baqylaýda, dep habarlaıdy QazAqparat tilshisi.

Búginde oblysta 19 taýar túriniń baǵasy turaqty. Olardyń ishinde turǵyndar kúndelikti tutynatyn nan, kúrish, qaraqumyq, sıyr eti, aıran, taýyq eti, súzbe, jumyrtqa, sary maı, kúnbaǵys maıy, qyryqqabat, pııaz, sábiz, kartop, qant, tuz, sút, un bar. Aýdandar men qalalarda arnaıy mobıldi toptar qurylyp, áleýmettik mańyzdy taýarlardyń baǵasyn qadaǵalaýda.




Túrkistan oblysynda áleýmettik mańyzy bar azyq-túlik taýarlary baǵalarynyń kóterilý faktileri boıynsha habar berý úshin ótinishter de qabyldanyp jatyr. ıAǵnı, baǵa ósken jaǵdaıda turǵyndar 8 (72533) 5-97-79 jáne 8702-465-20-11 telefon nómirlerine habarlasyp, shaǵym qaldyra alady.

Túrkistan oblysynda jáne aýdan, qalalarynda áleýmettik mańyzdy taýarlardyń 19 túrinen keminde 1,5 aıǵa jetetin qor jasaqtalǵan.

Óńirde aýdan, qala ákimdikteri men tıisti basqarmalar merekelik jáne demalys kúnderi kóshpeli saýda júrgizýde.

Memleket basshysynyń áleýmettik mańyzy bar azyq-túlik taýarlarynyń baǵasyn retteý tapsyrmasyna sáıkes Túrkistan oblysy ákimdigi arqyly «Aınalym shemasy» sheńberinde taýar óndirýshilerge jalpy 640 mln teńge berildi. Osyǵan baılanysty «Magnum Cash&Carry» men birneshe saýda ornynda taýarlar naryqtaǵy baǵadan 10-15 paıyz tómen baǵamen satylýda. Áleýmettik mańyzy bar azyq-túlik taýarlary baǵasynyń negizsiz ósýiniń aldyn alý maqsatynda iri saýda oryndary men dúkender jáne ámbebap bazarlarmen oblys kóleminde 1098 memorandým túzilgen.








Joǵary qaraı