Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda aýyl adamdary 8 balaly anaǵa úı salyp berdi

2020 jyldyń 23 qazan 2020 01:50

SARYAǴASh. QazAqparat - Túrkistan oblysynyń ákimi Ómirzaq Shókeevtiń bastamasymen qolǵa alynǵan «Qamqorlyq» jobasy Saryaǵash aýdanyna qarasty Darbaza aýyldyq okrýginde jalǵasyn tapty, dep habarlaıdy QazAqparat oblys ákiminiń baspasóz qyzmetine silteme jasap.

Aýyldyq okrýgtegi janashyr kásipkerler men aýyl jastary demeýshilik jasap, kómekke muqtaj taǵdyr taýqymetin tartqan jandardyń biri, aýyl turǵyny, 8 balanyń anasy, jalǵyzbasty Ryskúl Torybaevaǵa 6 bólmeli úı salyp berdi.

Jaqsylyqqa umtylǵan jandar arqyly basybaıly baspana buıyrǵan otbasyndaǵy balalardyń qýanyshynda shek joq. Jyldar boıǵy qıyndyqtan qutylǵan ananyń aıtar alǵysy aıryqsha. Kópbalaly otbasy memleket tarapynan ataýly áleýmettik kómekpen qamtylǵan.

«Qamqorlyq» baǵdarlamasyn «Nur Otan» partııasynyń Túrkistan oblystyq fılıaly men oblys ákimdigi birlesip úılestirdi. Igi shara turǵyndar tarapynan joǵary baǵalanyp otyr.

Baǵdarlama aıasynda aýdan, qalalardaǵy turmys taýqymetin tartqan otbasylarǵa jan-jaqty qamqorlyq kórsetý arqyly kedeılikten shyǵýǵa múmkindik beredi.

Mundaı otbasylardy anyqtaý úshin qurylǵan arnaıy komıssııa quramyna aýyl aqsaqaldary men jergilikti belsendiler kirdi.

Keshendi baǵdarlama aıasynda 2000-ǵa jýyq adamǵa kómek berildi. Otbasylar azyq-túlik, kıim-keshek, materıaldyq kómek kórsetilýde.

Onyń ishinde 35 otbasyna turǵyn úı alyp berilse, 100-ge jýyq adam turaqty jumyspen qamtylyp, 178 adam qoǵamdyq jumysqa tartylǵan.











Joǵary qaraı