Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda «aqyldy» mal bordaqylaý alańy iske qosyldy

2020 jyldyń 21 qyrkúıek 2020 22:56

KELES. QazAqparat - Túrkistan oblysynyń Keles aýdanyna qarasty Amangeldi eldi mekeninde «aqyldy» mal bordaqylaý alańy iske qosyldy, dep habarlaıdy QazAqparat tilshisi.

Túrkistan oblysy ákiminiń baspasóz qyzmetinen málim etkendeı, qurylysy eki jylǵa jalǵasqan alańnyń jalpy aýmaǵy – 0,5 ga. 300 mal basyna eseptelgen sharýashylyqqa angýs tuqymdy 32 bas iri qara Petropavl oblysynan jetkizilgen.

Mundaǵy barlyq «qara jumysty» arnaıy qondyrǵy, robot atqarady. Mal sharýashylyǵyn kásip etken jergilikti turǵyn Dáýren Álimbaev osylaısha óz armanyn júzege asyrǵan.

«Hobbı retinde bastap, izdenip, tıisti mamandardan keńes aldym. Bul salanyń syrlaryn jetik bilmegendikten, qıyndyqtarǵa tap bolǵanym ras. Aýdan ákiminiń qabyldaýynda bolyp, qujattandyrý, sýbsıdııalaý jaǵynan kómek suradym», – deıdi jeke kásipker.




Robottandyrylǵan mal bordaqylaý alańynda 1 ǵana adam jumys isteıdi. Jumystyń basym bóligin Reseıden satyp alynǵan «malaq tazalaý» qurylǵysy atqarady. Kásipker bıznesin ary qaraı damytý úshin memleketten az mólsherli paıyzben nesıe almaq. Osylaısha sharýashylyǵyn keńeıtip, jylqy, qoı bordaqylaıtyn, sút óndiretin ferma salýdy kózdeıdi.


Joǵary qaraı