Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda 27 memqyzmetshige negizsiz tártiptik jaza berilgen

2020 jyldyń 14 qyrkúıek 2020 21:57

TÚRKІSTAN. QazAqparat – Túrkistan oblysynda 27 memlekettik qyzmetshige negizsiz tártiptik jaza qoldanylǵan. Bul týraly Memlekettik qyzmet isteri agenttiginiń Túrkistan oblysy boıynsha departamenti jarııa etti, dep habarlaıdy QazAqparat tilshisi.

Atalǵan departamenttiń málimetinshe, oblystaǵy memlekettik organdarmen memlekettik qyzmetshilerge qoldanylǵan tártiptik jazalarǵa tıisti taldaý júrgizilgen.

Nátıjesinde, memlekettik organdarmen tártiptik jaza qoldaný týraly qaǵıda talaptary buzylǵany jáne birqatar memlekettik qyzmetshige negizsiz tártiptik jaza qoldanylǵany anyqtalǵan.

Máselen, Túlkibas aýdanyna qarasty Sastóbe kentiniń ákimi qyzmettik tergep-tekserý júrgizbegen. Sóıtip, atalǵan mekemeniń bas mamanyna «qyzmetke tolyq sáıkes emestigi týraly eskertý» túrindegi tártiptik jaza qoldanǵan.

Sondaı-aq, Túlkibas aýdany ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń sektor meńgerýshisine tártiptik jaza qoldaný merzimi ótkenine qaramastan «sógis» túrindegi tártiptik jaza kórilgen.

Osyǵan oraı, joǵaryda atalǵan zań buzýshylyqtardy joıý boıynsha memlekettik organdarǵa Departament tarapynan tıisti usynystar engizilgen. Negizsiz qoldanylǵan buıryqtardyń kúshteri joıylyp, atalǵan 27 memlekettik qyzmetshiniń quqyqtary tolyqqandy qalpyna keltirilgen.

Aıta keteıik, jyl basynan beri óńirde 662 memlekettik qyzmetshige tártiptik jaza qoldanylǵan. Alaıda tártiptik jaýapkershilikke tartylý deńgeıi ótken jyldyń osy kezeńimen salystyrǵanda 13%-ǵa azaıǵany baıqalady.


Joǵary qaraı