Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda 250 mln teńge sýbsıdııany jymqyrǵan

2021 jyldyń 2 jeltoqsan 2021 12:01

NUR-SULTAN. QazAqparat – Áleýmettik tólemderdi, aýyl sharýashylyǵy salasyndaǵy memlekettik sýbsıdııalardy jáne ózge de bıýdjet qarajatyn jymqyrýǵa qarsy is-qımyl maqsatynda Qarjylyq monıtorıng agenttigi «Qazyna» jedel-izdestirý is-sharalaryn júrgizýde, dep habarlaıdy QazAqparat QR QMA baspasóz qyzmetine silteme jasap.

Agenttiktiń Túrkistan oblysy boıynsha aýmaqtyq departamentiniń qyzmetkerleri «Qazyna» jedel aldyn alý sharasy aıasynda «Sybaǵa» memlekettik baǵdarlamasy boıynsha bólingen qarajatty jymqyrý dereginiń jolyn kesti.

Atap aıtqanda, E.Kúzenbaev pen R.Paıshanov «Balabogen-7» JShS atynan «Agrarlyq nesıe korporatsııasy» AQ-nan asyl tuqymdy mal satyp alýǵa 380 mıllıon teńge nesıe qarajatyn alǵan. Korporatsııaǵa bul qarajatty Reseı Federatsııasynan ІQM satyp alýǵa «Merkıt» JShQ shotyna aýdarý týraly jalǵan qujattar usynyldy.

Budan ári, nesıe shartynyń bir bóligin jabý úshin Túrkistan oblysy ákimdiginiń aýyl sharýashylyǵy basqarmasynan 131 mıllıon teńgeden astam somaǵa memlekettik sýbsıdııalar alyndy.

Bul rette, 585 bas ІQM naqty satyp alynǵan joq, janýarlardy esepke alý derekqoryna jalǵan málimetter engizildi.

Nátıjesinde 250 mıllıon teńge jymqyrylǵan jáne maqsatqa saı paıdalanylmaǵan.

R. Paıshanov 6 jylǵa, E. Kúzenbaev 5 jylǵa bas bostandyǵynan aıyryldy.


Joǵary qaraı