Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda 1777 oqýshynyń sabaǵy onlaın formatqa kóshirildi

2021 jyldyń 17 qyrkúıek 2021 19:38

TÚRKІSTAN. QazAqparat - Túrkistan oblysynda 1777 oqýshynyń sabaǵy onlaın formatqa kóshirildi. Bul týraly oblystyq SEBD baspasóz qyzmeti málimet taratty, dep habarlaıdy QazAqparat tilshisi.

Departamenttiń málimetinshe, jańa oqý jyly bastalǵanan beri 16 qyrkúıekke deıin oblysta 31 muǵalim, 108 oqýshy koronavırýs ınfektsııasyna shaldyqqan. Naýqastanǵan oqýshylardyń 26-y offlaın formatta sabaqqa qatysqandar bolsa, qalǵan 74 oqýshy indetti jazǵy demalys kúnderi juqtyrǵan. Epıdemııaǵa qarsy is-sharalar barysynda naýqastarmen qarym-qatynasta bolǵan 1777 oqýshy, 71 synyp 14 kúndik úı karantınine oqshaýlanyp, oqýlary onlaın formatqa kóshirildi. Sondaı-aq, oblysta 934 bilim berý uıymy 100% «ASHYQ» baǵdarlamasyn engizilgen. Sanıtarııalyq-epıdemıologııalyq baqylaý basqarmalary jańa oqý jyly qarsańynda «ZOOM» platformasy arqyly mektep dırektorlary men medıtsına qyzmetkerleri arasynda koronavırýstyq ınfektsııanyń aldyn-alý boıynsha semınarlar ótkizgen.

« Koronavırýstyq ınfektsııanyń taralýyn boldyrmaýǵa baǵyttalǵan aqparattyq-túsindirý jumystary jalǵastyrylýda. QR BMSD Qaýlysyna sáıkes, jaýapty qyzmetkerler barlyq pedagogtarǵa, personal men bilim alýshylarǵa baılanyssyz termometrmen, qoldy antıseptıkpen óńdeý júrgizýdi, ár qabatta qoljetimdi jerlerde antıseptıgi bar sanıtaızerler, las maskalardy jınaýǵa arnalǵan tańbalanǵan syıymdylyqtar (ýrnalar) ornatylyp, dozatorlardaǵy sabynnyń, qol jýý qaǵıdalary bar plakattardyń bolýy qajet», delingen departamenttiń habarlamasynda.


Joǵary qaraı