Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda 1 myńǵa jýyq toı tarqatylyp, 35 toıhana jabylǵan

2021 jyldyń 15 qyrkúıek 2021 14:56

TÚRKІSTAN. QazAqparat - Jyl basynan beri mobıldi toptar men polıtsııa basqarmalary tyıym salynǵan 821 otbasylyq, merekelik is-sharanyń ústinen túsken, dep habarlaıdy QazAqparat.

Onyń jartysynan kóbi qoǵamdyq tamaqtaný oryndarynda ótkizilgen. Túrkistan oblysynyń sanıtarııalyq-epıdemıologııalyq baqylaý departamentiniń málimetinshe, búgingi kúnge deıin oblys boıynsha SEB basqarmalaryna 69 shuǵyl habarlama túsken.

Túrkistan oblysy mamandandyrylǵan aýdanaralyq ekonomıkalyq sotyna karantın rejımin buzǵan 56 nysannyń jumysyn toqtatý boıynsha talap aryzdar ótkizildi.

Sottyń sheshimimen 35 qoǵamdyq oryndardyń qyzmeti ýaqytsha toqtatylǵan. Qalǵan 21 talap aryz boıynsha materıaldar sotta qaralyp jatyr.

Sońǵy bir apta aralyǵynda MT jáne PB basqarmalary qyzmetkerleri tarapynan 178 baıanat tirkelip, 70 aıyppul (barlyǵy jeke tulǵalarǵa) salyndy.

Maqtaaral, Saryaǵash, Túlkibas aýdandarynda ornalasqan jeke kásipkerlik nysandarynda ótkizilgen 5 merekelik is-shara boıynsha baıanattar rásimdelgen.

Arys, Qazyǵurt, Otyrar, Keles aýdandarynda birde bir baıanat joldanbaǵan.

Túrkistan oblysynda karantın rejımi talaptarynyń oryndalýyn baqylaý boıynsha mobıldi toptarmen monıtorıng jumystary jalǵasýda.

Jasaqtalǵan 131 mobıldi top jyl basynan beri 200 myńnan astam nysandy aralap, aýmaqtyq polıtsııa basqarmasy qyzmetkerleri tarapynan túsken baıanattary negizinde nysandar men jeke tulǵalarǵa QR Ákimshilik quqyq buzý kodeksiniń 425-babynyń 1-bóligi boıynsha 4 myńnan astam hattama toltyryldy.

240 mln teńgege jýyq aıyppul salyndy.


Joǵary qaraı