Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynan batys óńirlerge 67 vagon jem-shóp jóneltildi

2021 jyldyń 24 shilde 2021 11:05

TÚRKІSTAN. QazAqparat - Túrkistan oblysynan elimizdiń batys óńirlerine 67 vagon shóp jiberildi, dep habarlaıdy QazAqparat óńir basshysynyń baspasóz qyzmetine silteme jasap.

Shóp tıelgen vagondar Saryaǵash qalasynyń temirjol stansasynan jolǵa shyqty. Onyń birnesheýi kórshi Qyzylorda oblysyna baǵyttalǵan. Bıylǵy aýa raıynyń qýańshylyǵyna baılanysty bul óńirde de mal azyǵy tapshylyǵy oryn alǵany belgili.




Túrkistan oblysy ákimdigi tarapynan Batys oblystardyń sharýalaryna mal azyǵyn jóneltip, kómek kórsetý jónindegi eriktiler men demeýshilerdiń atqaryp otyrǵan jumystaryna jan-jaqty qoldaý kórsetilýde. Qajettilik bolǵan jaǵdaıda «Qazaqstan temir joly» UK» AQ-y jáne Túrkistan oblysy ákimdigi, demeýshiler esebinen qosymsha 100 vagon bólýge kelisim bar.

Qurǵaqshylyq Túrkistan oblysynda da oryn aldy. Degenmen, búgingi tańda óńirdegi jaǵdaı turaqty. Tabıǵı shóp bitik shyqpaǵanyna qaramastan, egistikti ártaraptandyrý orman qoryndaǵy bosalqy jaıylym jerler sharýalardyń ýaqytsha paıdalanýyna berý sharalarynyń nátıjesinde oblystaǵy mal basyna qajetti 3,9 mln tonna mal azyǵyn 100 % daıyndaýǵa tolyq múmkindikter bar.




















Basty sózder: Ákim, Jemshóp, Túrkistan oblysy,
Joǵary qaraı