Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysy: Báıdibek aýdandyq aýrýhanasynda laparoskopııalyq ota jasalatyn boldy

2021 jyldyń 23 qyrkúıek 2021 20:58

TÚRKІSTAN. QazAqparat – Túrkistan oblysy Báıdibek aýdandyq aýrýhanasynda laparoskopııalyq ota jasalatyn boldy. Bul otalardy jasaý úshin ortalyq aýrýhananyń hırýrg dárigerleri men medbıkeleri oblystyq klınıkalyq aýrýhana bazasynda óz bilimderin jetildirip, mashyqtanýdan ótti, dep habarlaıdy QazAqparat tilshisi.

Aýdandyq aýrýhananyń hırýrgııa bóliminde laparoskopııalyq otalar «endovıdeolaparoskop» apparaty arqyly jasalýda. Іsh-qýysyn kespeı tesip jasalatyn otalardan keıin naýqastar nebári 4-5 kúnde aýrýhanadan úıine shyǵarylady. ıAǵnı, apparatpen ót alý, jaryqtar (gryja), appendıtsıt sııaqty kúrdeli otalar jasalýda. Bul otalar jedel túrde jáne MÁMS arqyly josparly tekserilýlerden ótken naýqasqa aqysyz jasalady.

«Ótken jyldan beri 60 ret ót tasy alynyp, 8 ret jedel appendıtsıtke jáne gınekologoııalyq naýqastarǵa otalar jasalyndy», – deıdi aýdandyq ortalyq aýrýhananyń bas dárigeri Gúldarııa Shardarbekova.

Aýrýhanada keıde basqa aımaqtardan qydyryp kelgen naýqastarǵa da jedel túrde ota jasalyp, tıisinshe emdik-sharalar kórsetilip keledi. Aıta keteıik, búginde mindetti áleýmettik medıtsınalyq saqtandyrý júıesiniń qatysýshysyna emhanadan bastap aýdandyq, oblystyq, respýblıkalyq deńgeıdegi aýrýhanalardaǵy medıtsınalyq kómekter qoljetimdi bolýda. Aýdan, qalalardaǵy medıtsınalyq uıymdardyń materıaldyq bazasy nyǵaıyp, jergilikti halyqtyń suranysyna qajetti qyzmetti iske qosyp jatyr.


Avtor Aınur Aqbaeva
Basty sózder: Túrkistan oblysy, Medıtsına,
Joǵary qaraı