Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan men Jezqazǵanda avtomattandyrylǵan avtodrom ashylady

2022 jyldyń 12 mamyr 2022 12:43

NUR-SULTAN. QazAqparat – Túrkistan men Jezqazǵan qalalaryndaǵy mamandandyrylǵan halyqqa qyzmet kórsetý sektory avtomattandyrylǵan avtodrommen qamtamasyz etiledi. Bul jaıynda Májilis depýtattarynyń saýalyna QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń jaýabynda aıtylǵan, dep habarlaıdy QazAqparat tilshisi.

«Túrkistan qalasy men Saryaǵash aýdanynda avtodrommen qamtamasyz etilgen mamandandyrylǵan bólim ashý máselesi pysyqtalýda. Arqalyq qalasy boıynsha mamandandyrylǵan halyqqa qyzmet kórsetý sektory búgingi kúnde óz jumysyn atqarýda. Atalǵan sektorda qyzmet alýshylardyń júrgizýshi kýáligin alýlary úshin barlyq jaǵdaılar jasalǵan. Atap aıtqanda, azamattar teorııalyq jáne praktıkalyq emtıhandardy sektorda tapsyryp, júrgizýshi kýáligin alý múmkindigine ıe bolyp jatyr. Sonymen birge, Ulytaý oblysynyń qurylýyna baılanysty Jezqazǵan qalasy boıynsha mamandandyrylǵan halyqqa qyzmet kórsetý sektoryn avtomattandyrylǵan avtodrommen qamtamasyz etý máselesi júzege asyrylatyn bolady», - delingen mınıstr jaýabynda.

Onyń dereginshe, qazirgi ýaqytta el aýmaǵynda jalpy sany 32 mamandandyrylǵan halyqqa qyzmet kórsetý bólimi men 72 mamandandyrylǵan halyqqa qyzmet kórsetý sektorlary jumys jasap jatyr. Salystyrmaly túrde alǵanda 2020 jyly 27 mamandandyrylǵan halyqqa qyzmet kórsetý bólimi men 65 mamandandyrylǵan halyqqa qyzmet kórsetý sektorlary jumys istegen. Usynystar men qajettilikke baılanysty el aýmaǵynyń suranysy joǵary aımaqtarynda olardyń udaıy ósý qarqynymen kóbeıip jatqanyn kórýge bolady.

Sonymen qatar ol Shymkent qalasynda 2021 jyldyń 27 jeltoqsany men 2022 jyldyń 9 aqpany aralyǵynda № 1 mamandandyrylǵan halyqqa qyzmet kórsetý bóliminde tehnıkalyq aqaýlarǵa baılanysty S1 sanaty boıynsha praktıkalyq emtıhandy qabyldaý múmkindigi bolmaǵandyǵyn eske salady.

«Sáıkesinshe, oryn alǵan aqaýlar joıylyp, atalǵan sanat boıynsha praktıkalyq emtıhandy qabyldaý qaıta qalpyna keltirilgennen keıin qyzmet alýshylardyń legi kóbeıgen bolatyn. Qazirgi ýaqytta qyzmet alýshylardyń arasynda S1 sanaty boıynsha kezek sanyn jáne kútý ýaqytyn azaıtý maqsatynda atalǵan sanattaǵy qosymsha kólik quraly jalǵa alynyp, praktıkalyq emtıhan qabyldaýǵa paıdalanylýda. Jaǵdaı turaqtanyp, qazirgi kúnde baqylaýda tur», - dedi Baǵdat Mýsın.


Joǵary qaraı