Aýa raıy
Astana -12 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan qalasynda qylmys sany kúrt azaıǵan

2020 jyldyń 24 qazan 2020 01:01

TÚRKІSTAN. QazAqparat – Túrkistan qalasynyń polıtsııa basqarmasyna basshylyq qyzmetke polkovnık Baýyrjan Seltanov kelgeli oblys ortalyǵynda jaǵdaı turaqtanǵan. Bul jaıynda oblystyq polıtsııa departamentiniń baspasóz qyzmeti resmı málimet taratty, dep habarlaıdy QazAqparat tilshisi.

PD baspasóz qyzmetiniń málimetinshe, kıeli shaharda ákimshilik quqyq buzý sany azaıyp, qylmystardyń, onyń ishinde qoǵamdyq oryn men kóshedegi qylmystyń ashylý kórsetkishi jaqsarǵan.

Sondaı-aq, qalalyq polıtsııa basqarmasy basshylyǵynyń bastamasy boıynsha turaqty negizde jeke quram arasynda tártipti arttyrý jáne polıtsııanyń keıbir arsyz qyzmetkerlerinen polıtsııa qatarlaryn tazartý boıynsha jumystar júrgizilýde.

Aıta keteıik, áleýmettik jelilerde Ordabasy aýdandyq polıtsııa bóliminiń burynǵy basshysy, polıtsııa polkovnıgi Baýyrjan Seltanov 2018 jyly Abaı aýylynda zorlanǵan 7 jasar bala oqıǵasyna qatysy bolýy múmkin degen jalǵan aqparat taraǵan bolatyn.

Alaıda óńirdiń polıtsııa departamenti bul aqparlardy joqqa shyǵardy.

«Departament tarapynan Baýyrjan Seltanovtyń polıtsııadan qýylǵany jaıly aqparatty joqqa shyǵaramyz. Abaı aýylyndaǵy jaǵdaıdan keıin ol Ordabasy APB bastyǵy laýazymyna aýystyrylǵan. Sonymen qatar, quqyq qorǵaý organdarynyń múddeli ókilderi polıtsııa polkovnıgi B.Seltanovqa qatysty QR QK 362-babynyń 1-bóligi «qyzmet babyn teris paıdalaný» boıynsha 2018 jyly jan-jaqty tekserý júrgizgen. Polıtsııa polkovnıgi B.Seltanovqa qatysty aıtylǵan ýáj óz dálelin tappaǵan edi. 2020 jylǵy naýryzda QR Іshki ister mınıstrligi basshylyǵynyń kelisimimen Túrkistan oblysy PD bastyǵy, polıtsııa general-maıory Q.Dálbekovtyń buıryǵymen Túrkistan qalasy polıtsııa basqarmasynyń bastyǵy qyzmetine Baýyrjan Seltanov taǵaıyndaldy» delingen habarlamada.


Joǵary qaraı