Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan qalasynda baǵany negizsiz kótergenderge aıyppul salyndy

2021 jyldyń 2 jeltoqsan 2021 11:16

TÚRKІSTAN. QazAqparat - Túrkistan qalasynda baǵany negizsiz kótergen saýda oryndaryna 45 nusqama berilip, qazirgi tańda 3 sýbektilerge aıyppul salyndy. Oblys ákimdigi tarapynan shekti bólshek saýda baǵalaryn negizsiz ósirmeý úshin saýda baǵalary boıynsha zańnama talaptaryn buzýdy joıý boıynsha jumystar jalǵasýda, dep habarlaıdy QazAqparat tilshisi.

Áleýmettik mańyzy bar azyq-túlik taýarlary baǵasynyń negizsiz ósýiniń aldyn-alý jáne baǵa belgileýiniń deldaldyq shemalaryn joıý maqsatynda, iri saýda oryndary men dúkender jáne ámbebap bazarlarmen oblys kóleminde 1098 memorandým túzilgen.

Búginde Túrkistan oblysynyń turaqtandyrý qorynda 6 myń tonnaǵa jýyq taýar bar. Úkimet qaýlysymen bekitilgen negizgi 19 túrli (un, kúrish, makaron ónimderi, kúnbaǵys maıy, kartop, sábiz, pııaz, qyryqqabat, qumsheker, as tuzy) azyq-túlik taýarlary turaqtandyrý qorynyń qoımasynda saqtaýly.

Tek Túrkistan qalasynynyń ózinde 13 áleýmettik dúken bar. Tamyz aıynan bastap oblys ortalyǵynyń bes saýda oryndarynda áleýmettik buryshtar ashylyp áleýmettik mańyzy bar taýarlar naryqtaǵy baǵadan tómen satylyp jatyr. Bul baǵyttaǵy jumystar turaqty baqylaýda jáne áleýmettik mańyzy bar azyq-túlik taýarlarynyń baǵasyn negizsiz ósirmeý boıynsha tıisti sharalar qabyldanýda. Bıyl qoımany tolyqtyrý úshin 130 tonnaǵa jýyq azyq-túlik taýarlary satyp alyndy.

Sondaı-aq qor arqyly qosymsha myń tonnadan astam azyq-túlik taýarlaryn satyp alýǵa memlekettik satyp alý sharalary júrgizilýde. Keler jyldyń qańtar-qyrkúıek aılaryna «Azyq-túlik kelisimshart korporatsııasy» UK» AQ-y arqyly tonnasy 90 myń teńgeden arzandatylǵan bıdaı bosatylatyn bolady. Nátıjesinde bólke nan baǵasy 90 teńge, I surypty bir keli unnyń baǵasy 121 teńgeni quraıdy.

Oblystyq aýyl sharýashylyǵy basqarmasynyń málimetinshe, jyl sońyna deıin Túrkistan qalasynda qosymsha eki áleýmettik dúken ashý josparlanǵan.

Qaladaǵy «Eko bazar» aýmaǵynda 20-ǵa jýyq aýyl sharýashylyǵy ónimderiniń jármeńkesi uıymdastyrylyp, onda 743,9 mln. teńge somasyna 2 myń tonnaǵa jýyq taýar naryq baǵasynan 15-20 %-ǵa tómen baǵamen satylymǵa shyǵaryldy. Baǵany turaqtandyrý maqsatynda bazarlarda reıdtik, monıtorıngtik jumystar jalǵasady.

Saýda ústemelerin 10%-nan joǵary kóterýge jol berilmeý boıynsha naqty sharalar qolǵa alynǵan.


Joǵary qaraı