Aýa raıy
Astana -13 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan-arena stadıonynda alǵashqy oıyn ótti

2020 jyldyń 26 qazan 2020 20:10

TÚRKІSTAN. QazAqparat - Túrkistan qalasynda salynǵan «Túrkistan-arena» stadıonynda alǵashqy oıyn ótti, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Fýtbol básekesi Túrkistan oblysynyń 2007-2008 jylǵy jasóspirimder arasynda órbidi. Tartysty ótken joldastyq kezdesýde jas jetkinshekter bar sheberligin ortaǵa saldy. Oıynnyń negizgi maqsaty – aldaǵy Qazaqstan Respýblıkasynyń chempıonatyna quramany jasaqtaý. Endi jańa arenanyń shymyldyǵyn ashqan túrkistandyq aıaq dop sheberleri el chempıonatynda úzdikter qatarynan kórinýdi josparlap otyr.




Oblystyq dene shynyqtyrý jáne sport basqarmasyna qarasty «Túrkistan-arena» ortalyq stadıony 7 myń orynǵa arnalǵan. Alyp keshende sporttyń ár baǵyty boıynsha jeke-jeke zaly bar. «Samruq Qazyna» UÁQ AQ Túrkistanǵa tartý etken stadıonnyń negizi fýtbol alańynan, jeńil atletıkaǵa arnalǵan jabyq arenadan turady. Akrobatıka, boks, aýyr atletıka, sporttyq gımnastıka jáne ıoga zaldary tolyq talaptarǵa saı jasaqtalǵan.





Bul jerde alda fýtboldan Qazaqstan Respýblıkasy chempıonatynyń Premer lıga, Birinshi jáne Ekinshi lıga komandalarynyń oıyndary men basqarmanyń jyldyq kúntizbelik josparyna sáıkes, sport túrlerinen (fýtbol, jeńil atletıka, ústel tennısi, sadaq atý) jas erekshilikteri boıynsha oblys quramasynyń oqý-jattyǵý jıyndary jáne oblystyq, respýblıkalyq jáne halyqaralyq jarystar josparǵa sáıkes ótkiziledi.




















Basty sózder: Sport, Túrkistan oblysy,
Joǵary qaraı