Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrki keńesi Túrki álemi ýnıversıtetter odaǵynyń V Bas Assambleıasy ótti

2021 jyldyń 27 qazan 2021 14:01

TÚRKІSTAN. QazAqparat - 26 qazan kúni Qoja Ahmet ıAsaýı atyndaǵy Halyqaralyq qazaq-túrik ýnıversıtetinde Túrik Keńesi Túrki álemi ýnıversıtetter Odaǵynyń V Bas Assambleıasy ótti, dep habarlaıdy QazAqparat.

Jıynǵa Qazaqstan, Túrkııa, Ázirbaıjan, Qyrǵyzstan, Ózbekstan, Vengrııa elderindegi 32 ýnıversıtettiń rektorlary, ǵalymdary men stýdentteri, sondaı-aq halyqaralyq uıymdardyń ókilderi, dıplomattar, ekspertter, qoǵam jáne mádenıet qaıratkerleri qatysty.

Májilis Túrik Keńesiniń Bas hatshysy B. Ámireev, Bas hatshynyń orynbasary Ó. Kojaman, Qoja Ahmet ıAsaýı atyndaǵy Halyqaralyq qazaq-túrik ýnıversıteti Ókiletti Keńesiniń tóraǵasy M. Shımshek jáne ýnıversıtet rektory J. Temirbekovanyń quttyqtaý sózimen bastaldy.

Assambleıada sóz alǵan Túrik Keńesiniń Bas hatshysy Baǵdat Ámireev jahandy jaýlaǵan pandemııadan keıin qaıta bas qosqan jıyn qatysýshylaryna sáttilik tilep, sharanyń jalpy Túrki qoǵamyndaǵy mańyzyn tilge tıek etti.

«Túrkistan – túrki tsıvılızatsııasynyń besigi. Jyl saıyn bolatyn jıyn pandemııaǵa baılanysty biraz ýaqyt toqtap qaldy. Al búgin búkil túrki memleketterinen ýnıversıtet rektorlary bas qosyp otyrmyz, bilim salasyndaǵy talqylaımyz, nátıjeli jıyn bolady degen senimimiz mol», - dedi Túrik Keńesiniń Bas hatshysy.




Budan ári Túrki álemi ýnıversıtetter Odaǵynyń 2018 – 2021 jyldar kezeńinde tóraǵalyq qyzmet atqarǵan Qoja Ahmet ıAsaýı atyndaǵy Halyqaralyq qazaq-túrik ýnıversıteti atqarylǵan jumystar boıynsha esep berdi. Ýnıversıtet tóraǵalyǵy kezeńinde І Jas Kóshbasshylar forýmy, «Túrki áleminiń altyn besigi –Túrkistan» atty halyqaralyq jastar forýmy , Halyqaralyq «Túrkistan memlekettik basqarý jazǵy mektebi», Túrkologııa ǵylymı zertteý ınstıtýtynyń uıymdastyrýymen ІH Túrkologııa Kongresi jáne t.b aıtýly sharalar ótti. Assambleıaǵa jınalǵandar atqarylǵan qarymdy qyzmetke joǵary baǵa berdi.

Jıyn barysynda «Orhýn» utqyrlyq baǵdarlamasynyń máseleleri jáne ony damytýǵa qatysty naqty qadamdar qarastyryldy.

Múshe ýnıversıtetter baǵdarlama aıasynda júzege asqan jobalar boıynsha esep berdi.

Sonymen qatar, májiliske qatysýshylar Stýdenttik keńes tarapynan atqarylǵan is-sharalardy talqylap, 2021-2022 jyldarǵa arnalǵan «Jol kartasyn» ázirleý úshin oı-pikirimen bólisti.




V Bas Assambleıa májilisinde Túrki álemi ýnıversıtetteri Odaǵyna birqatar joǵary oqý oryndary qosyldy: Qazaqstannan - Semeı medıtsına ýnıversıteti; Ázirbaıjan memlekettik Ekonomıka ýnıversıteti; Qyrǵyzstannan – Batyráli Sydyqov atyndaǵy Qyrǵyz-Ózbek halyqaralyq ýnıversıteti, Ózbekstannan – Álemdik ekonomıka jáne dıplomatııa ýnıversıteti, Tashkent memlekettik Shyǵystaný ýnıversıteti, Álisher Navaı atyndaǵy Tashkent memlekettik ózbek tili men ádebıeti ýnıversıteti, Qoqan ýnıversıteti.

Shara sońynda 2018-2021 jyldar aralyǵynda artylǵan mindetti abyroımen atqarǵan Qoja Ahmet ıAsaýı atyndaǵy Halyqaralyq qazaq-túrik ýnıversıtetin taǵy bir jylǵa tóraǵalyq qyzmetke qaldyrýǵa sheshim qabyldandy.

Aıta keteıik, Keńesi Túrki álemi ýnıversıtetter odaǵy 2013 jyly qurylǵan.

Qazirgi tańda Odaqqa Qazaqstan, Túrkııa, Ázirbaıjan, Qyrǵyzstan, Ózbekstan, Vengrııa elderinen 40-tan astam ýnıversıtet múshe.








Joǵary qaraı