Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrki akademııasy Ankarada Bilge Tonykók jazba eskertkishiniń kóshirmesin ornatty

2021 jyldyń 22 aqpan 2021 23:20

ANKARA. QazAqparat - Halyqaralyq Túrki akademııasy Ankarada ashylǵan «Túrki álemi: Tonykók saıabaǵy» aýmaǵyna Bilge Tonykók jazba eskertkishiniń kóshirmesin ornatty, dep habarlaıdy QazAqparat egemen.kz saıtyna silteme jasap.

Tarıhı mańyzy zor eskertkishtiń resmı ashylý saltanatyna Túrkııa Uly Ulttyq Májilisiniń tóraǵasy Mustafa Shentop jáne Parlament Májilisiniń depýtattary, Ankara qalasynyń gýbernatory, halyqaralyq uıymdardyń basshylary, elshiler, qoǵam qaıratkerleri men ǵalymdar qatysty.



Túrkııa astanasynyń ortalyq aýdanynda ornalasqan saıabaq aýmaǵyna Mońǵolııadaǵy Orhon ózeniniń boıyndaǵy VIII ǵasyrǵa jatatyn Tonykók jazba eskertkishiniń Halyqaralyq Túrki akademııasy ázirlegen dálme-dál kóshirmesi qoıyldy.

Eskertkishtiń ashylý saltanatynda sóz sóılegen Túrkııa Uly Ulttyq Májilisiniń tóraǵasy Mustafa Shentop Tonykók eskertkishiniń ashylýy Túrkııa men Qazaqstan arasyndaǵy yntymaqtastyqty tereńdetetinine senim bildirdi.

«Halyqaralyq Túrki akademııasy men Altyndaǵ mýnıtsıpalıteti Tonykók eskertkishiniń 1300 jyldyq mereıtoıyn erekshe atap ótip otyr. Ǵalymdarymyz osynaý tarıhı murany túsinýge zor úles qosqanyn joǵary baǵalaımyn. Ultymyzdyń ejelgi tarıhy men atajurtymyz arasyndaǵy sabaqtastyqty nyǵaıtýǵa eskertkish zor úles qosady dep úmittenemin. Tarıhymyz ben mádenıetimizge qurmet retinde Túrkııanyń ortalyǵynda Tonykók eskertkishiniń ornalasýy ulttyq muratymyzdyń júzege asqanynyń kórinisi. Byltyr bastalǵan baǵdarlamamyzdy bıyl da jalǵastyra beremiz.

Byltyr Túrkııa Tonykók eskertkishiniń 1300 jyldyǵyn ıÝNESKO aıasynda toılaýǵa ótinish bergen bolatyn. ıÝNESKO da bul usynysymyzdy qabyldady. Osyǵan baılanysty merekelik sharalar baǵdarlamasy bekitildi. Ortalyq saıabaqta ashylyp otyrǵan eskertkish VIII ǵasyrda Azııadaǵy Orhon ózeniniń ańǵarynda ornatylǵan Bilge Tonykók jazýynyń dálme-dál kóshirmesi. Osynaý is-sharanyń basy-qasynda júrip, elimizge osynaý mádenıettiń bir bóligin jetkizgenderge úlken alǵys aıtamyn», dedi M.Shentop.

Osylaısha, Halyqaralyq Túrki akademııasy men Altyndaǵ aýdanynyń merııasy «Túrik tili jylyna» jáne ıÝNESKO aıasynda atap ótilgen Tonykók eskertkishiniń 1300 jyldyq mereıtoıyna arnalǵan mańyzdy sharaǵa uıytqy boldy.





Altyndaǵ aýdanynyń meri Asym Baljy óz sózinde túrki áleminiń mádenıetine úles qosqanyn ózine abyroı sanaıtynyn jetkizdi. Sondaı-aq ıÝNESKO 2020 jyldy «Bilge Tonykók jyly» dep jarııalaǵanyn eske salyp ótti.

«Pandemııaǵa baılanysty birqatar josparymyz júzege asqan joq. Alaıda Tonykókke qurmetimiz aıaqtalmaq emes. Halyqaralyq Túrki akademııasymen birge úlken jumys atqardyq. Bul jobaǵa Altyndaǵ aýdanynyń úles qosqany biz úshin úlken abyroı», dep aǵynan jaryldy.

Eskertkishtiń saltanatty ashylý rásimine qatysyp, sóz sóılegen Túrki akademııasynyń prezıdenti Darhan Qydyráli is-sharanyń mańyzyna toqtaldy. Onyń aıtýynsha, Tonykók eskertkishiniń Ankarada ashylýy túrki áleminiń rýhanııatyn nyǵaıtýǵa qosylǵan salmaqty úles bolmaq.

«Ótken jyl Tonykók eskertkishiniń 1300 jyldyq mereıtoıyna oraı Túrki áleminiń ortaq uıymy Halyqaralyq túrki akademııasynyń bastamasymen «Bilge Tonykók jyly» dep jarııalanǵan bolatyn. Tonykók jyly aıasynda ıÝNESKO-men birlese otyryp uıymdastyrǵan kóptegen is-shara endi. Osy baıandy bastama «Túrki álemi: Tonykók saıabaǵynyń» ashylýymen maǵynaly jalǵasyn tapty deýge bolady. Qazaqstannyń Tuńǵysh Prezıdenti – Elbasy Nursultan Nazarbaev óziniń «Uly dalanyń jeti qyry» atty maqalasynda bizdiń tarıhymyz uly tulǵalar arqyly óriletinin aıtqan bolatyn. Sondaı tulǵanyń biri Bilge Tonykók babamyzdyń eskertkishi el Táýelsizdiginiń 30 jyldyǵy qarsańynda Ankarada ornaýynyń da ózindik mán-maǵynasy zor dep esepteımin.

«Kúndiz otyrmadym,

Túnde uıyqtamadym,

Qara terimdi aǵyzdym,

Qyzyl qanymdy júgirttim Túrik halqy úshin» dep jazǵan Bilge Tonykók bizdiń tilimizdi ótkennen bolashaqqa jetkizý úshin máńgilik el ıdeıasyn máńgi tastarǵa qashap qaldyrǵan. Osy máńgilik muramyzǵa qurmet bildirip, onyń dálme-dál kóshirmesin Ankara qalasynda ornatýǵa qoldaý kórsetken barshaǵa alǵys bildiremin», dep atap ótti D.Qydyráli.








Joǵary qaraı