Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Týrızm komıteti Alakól baǵytyndaǵy bılet tapshylyǵyna qatysty pikir bildirdi

2021 jyldyń 14 maýsym 2021 18:00

NUR-SULTAN. QazAqparat – Týrızm ındýstrııasy komıtetiniń tóraǵasy Dastan Ryspekov Alakól baǵytyndaǵy bıletterdi alyp-satý beleń alǵany týraly shaǵymdarǵa pikir bildirdi, dep habarlaıdy QazAqparat tilshisi.

«Shynymen de ondaı másele bar. Ásirese qazir Alakól baǵytyndaǵy bıletterdi alyp-satý beleń alǵany qyzý talqylanyp jatyr. Indýstrııa jáne ınfraqurylymdyq damý mınıstrligi men «Jolaýshylar tasymaly» AQ-nyń bizge bergen derekteri boıynsha, keıingi eki jylda bılet satý júıesi ózgeriske ushyraǵany sonsha, alypsatarlardyń bılet alý múmkindigi joıylǵan. ıAǵnı, ár satyp alynǵan bıletke jolaýshynyń aty-jóni, ákesiniń aty naqty jazylady. Eger kimde-kim bıletti óz atyna aýystyrǵysy kelse, ol bılet avtomatty túrde kútý paraǵyna túsedi. Ol jerden ony kez kelgen bılet kútýshi satyp ala alady», - dedi Dastan Ryspekov ortalyq kommýnıkatsııalar qyzmetinde ótken brıfııngide.

Onyń aıtýynsha, qazaqstandyqtar Alakól baǵytyndaǵy bıletterdi satylymǵa shyqqan boıda talasa-tarmasyp alatyn bolǵan.

Osynyń saldarynan naqty alypsatarlardy anyqtaý qıynǵa soǵyp otyrǵan kórinedi.

«Iá, alypsatarlardyń áli bar ekeni aıtylady. Biraq, ókinishke qaraı, eshkim olardy atap kórsetip jatqan joq. Alakól baǵytyndaǵy bıletterge suranys qazir óte joǵary. Tipti túngi saǵat 4.00-de nemese tańǵy 6.00-da satyp alyp atyr. Sondyqtan bul jerde kimniń alypsatar, kimniń naqty jolaýshy ekenin anyqtaý qıyn. Eger qandaı da bir naqty faktilerdi kórgender bolsa, tıisti quzyrly organdarǵa habarlaý kerek», - dedi komıtet tóraǵasy.


Joǵary qaraı