Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Týrısterge arnalǵan eQonaq júıesi qalaı jumys isteıdi

2021 jyldyń 16 maýsym 2021 20:15

NUR-SULTAN. QazAqparat – Búgin Nur-Sultan qalasynda tanystyrylymy ótken eQonaq aqparattyq júıesiniń qalaı jumys isteıtini túsindirildi, dep habarlaıdy QazAqparat tilshisi.

«Sheteldik týrısterdiń elimizde qansha ýaqyt bolǵanyn bilý úshin olardyń qaı jerde toqtaǵany týraly málimet kerek bolady. Onyń ústine qonaq úıler kelýshilerge qatysty ózindik esep júrgizedi. Endigi mindet sol kelýshiler týraly málimetterdi taldap, eQonaq júıesine engizý. Biz úshin syrttan keletin týrısterdiń sany ǵana emes, olarǵa kórsetiletin qyzmettiń sapasy da mańyzdy. Odan bólek, týrıst qaı jerdi tańdady, qansha kún boldy jáne Qazaqstanda demalý kóńilinen shyqty ma degen suraqtarǵa jaýap izdeýimiz kerek. Ózderińiz biletindeı ótken jyldyń qańtar aıynan bastap Memleket basshysy sheteldik týrısterdi tirkeý mindetin joıdy. Endigi olarǵa qatysty málimetterdi týrısterdiń toqtaǵan jerinen bilýge bolady», - dedi «Kazakh Tourism» ulttyq kompanııasy» AQ basqarma tóraǵasy Erjan Erkinbaev.

Odan bólek, basqarma tóraǵasy atalǵan aqparattyq júıeniń elimizdiń qaı óńirlerinde iske qosylǵany týraly aıtyp berdi.

«Týrısterge arnalǵan eQonaq aqparattyq júıesi ótken jyldan bastap, Nur-Sultan, Almaty qalalary men qatar SQO, Aqmola oblystarynda pılottyq rejimde iske qosyldy. Atap aıtqanda, qonaq úı, demalys úıi, hostel jáne basqa da týrıster toqtaıtyn oryndarda jumys istep turdy. Pılottyq rejim barysynda 383 demalys orny boıynsha, barlyq sany 21 985 týrıst tirkeldi» , - deıdi ol.

Onyń aıtýynsha, atalǵan jańa júıe osy maýsym aıynda Alakól, Balqash, Atyraý jáne Aqtaý qalasyndaǵy qonaq úılerde iske qosylady.

Al jyl sońyna deıin elimiz boıynsha 600-den astam qonaq úıdi qamtymaq.

Buǵan deıin Qazaqstanda alǵash ret týrısterge arnalǵan eQonaq aqparattyq júıesiniń iske qosylǵanyn habarlaǵan bolatynbyz.

Joǵary qaraı