Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Týrısterdi tartý úshin Almaty ımıdjin tanymal etý qajet - ákimdik

2021 jyldyń 2 jeltoqsan 2021 19:09

ALMATY. QazAqparat - Almatynyń týrıstik áleýetin jarnamalaýǵa qarjy bólinedi. Bul týraly brıfıng barysynda qala ákiminiń orynbasary Іlııas Óserov málim etti, dep habarlaıdy QazAqparat tilshisi.

Spıkerdiń sózinshe, Almaty qalasy týrısterdi tartatyn ortalyq bolǵandyqtan, bıýdjet qarajatyn osy salaǵa, onyń ishinde shetelde ilgeriletýge jumsaıdy.

Bul - tek shyǵyn ǵana emes, eń aldymen týrıstik aǵyndy ulǵaıtýǵa ınvestıtsııa tartýǵa yqpal etedi.

Onyń aıtýynsha, álemniń eń iri qalalarynda – Doha, Inchhon, Máskeý, Abý-Dabı, Dýbaı jáne Gonkong áýejaıynda ımıdjdik beınerolıkterdi kórsetý úshin 143 mln teńge bólindi.

Sondaı-aq, Máskeý, Tashkent jáne Baký metropolıtenderinde 114 mln teńgege taqyryptyq jarnama ornalastyryldy.

«Jarnama jarııalanǵan elderde qyzyǵýshylyq aıtarlyqtaı ósti. Ol 8 mıllıonǵa jýyq adamdy qamtydy. KRMG1 zertteý nátıjeleri boıynsha Almatydaǵy árbir týrıst kem degende 100 dollar jumsaıdy, qysta bul soma qysqy taý sportynyń tanymal bolýyna baılanysty áli de ulǵaıýy múmkin. Tıisinshe, bul - qalaǵa jáne onyń ekonomıkasyna ınvestıtsııa»,- deıdi ol.

Sonymen qatar, ol osy jyly Almaty týraly ımıdjdik beınerolıkterdi jasaýǵa jáne ilgeriletýge 150 mln teńgeden astam qarajat bólingenin rastady.

«Olardy Eurosport 1/2, Discovery, Animal Planet Travel Channel, EMEA, Russia, Asia sııaqty halyqaralyq telearnalarda kórsetý josparlanǵan bolatyn. Biraq karantınge jáne Eýropa elderimen reısterdiń jabylýyna baılanysty beınerolıkterdiń jarnamasy toqtatyldy. Bul qarjy bıýdjetke qaıtaryldy»,- deıdi Almaty ákiminiń orynbasary.

Bıyl Almaty men oblystyń týrıstik áleýetin kórsetý úshin shetelden 33 bloger shaqyryldy, óıtkeni áleýmettik jeliler - búginde eń tıimdi jarnama alańdarynyń biri.

Sondaı-aq, Іlııas Óserov 2021 jylǵa memlekettik aqparattyq tapsyrysqa bıýdjetten 3,7 mlrd teńge bólingenin tilge tıek etti.


Perevod Alma Muqanova
Basty sózder:
Joǵary qaraı